廣告（請繼續閱讀本文）
以打造全新女團為目標的《全民造星IV》今晚播出最新一集，60名參賽者開始新一輪小組對決，將淘汰20進人40強。由導師許廷鏗（Alfred）帶領的A組對梁祖堯帶領的B組，各分成5隊進行小組對決。每組分別進行自選項目，再一齊進行跳舞比試，然後由陳輝陽、阿占、泳兒、韋羅莎與鍾舒漫5位評判揀出勝利隊伍，再喺落敗隊伍中挑選一人即時淘汰。
第一隊出埸係由Ika、穎蕎、Marf、Tengie、安希婷與Ada仔組成的A1，不過6位成員就喺排練期間發生衝突，因穎蕎想加入安希婷的solo部分希望令表演更有力量，但因穎蕎音量太大搞到安希婷要不停加大音量突出自己，導致聲帶受損，其他組員亦有提醒穎蕎，但她一直冇改善，令其他組員就覺得穎蕎好自私，完全無顧及團隊。最後搞到導師Alfred要出手介入調停，「我睇唔到呢組有繼續合作表演嘅需要。」Alfred更直指「呢組我全組都淘汰。」令A1組氣氛落入低谷。
不過A1組在表演自選項目《Ｍonsterssssss》後，卻獲5位評判讚好，其中評判韋羅莎更爆粗大讚：「我知道我係嚟做評審，但我啱啱係XXX好似嚟睇Show咁樣，咁勁嘅！」
廣告（請繼續閱讀本文）