剛剛李斯特城宣布與領隊羅渣士(Brendan Rodgers)達成協議。羅渣士會馬上辭去領隊一職，結果四年執教李斯特城嘅生涯🫠
羅渣士今季執教球隊嘅表現確實大不如前，28場聯賽只得25分已經反映一切，但係辭退羅渣士呢個選擇對球會同球迷都感到係無奈嘅選擇。過往羅渣士為球隊注入逼搶踢法，並且贏下社區盾、足總盃同埋帶領球隊打入歐戰四強創造球會歷史。咬住一口氣嘅團隊係今季面臨重大挫折，包括舒米高嘅離隊、中堅科芬拿高價轉投車路士、球隊無錢引援、泰利無斯無心戀戰、前鋒華迪跌watt，種種因素都令球隊陷入困難，但是否並沒有羅渣士嘅責任呢？
門將方面需要解涷嘅丹尼禾特(Danny Ward)表現令人感到難堪，佢就係季初頻頻失分嘅一大因素，但其實陣中亦有一位門將艾佛臣(Daniel Iversen)，上季外借到英冠普雷斯頓打正選，先不論質素但至少佢有上陣時間有狀態，直到最近先更換門將，艾佛臣更係單場交出7次撲救，羅渣士係選將方面顯然有問題🤨
其二係中堅大炸彈艾馬迪(Daniel Amartey)，上半季由佢出任中堅真係猶如先插自己兩刀，而其實陣中亦有一位前主力球員蘇恩祖，今季因為續約不成而被雪藏，但危急存亡之秋係咪都可以網開一面呢🥶
最後係愛用把握力其差嘅伊恩拿祖，華迪或許接受新角色主要後備上陣，但伊恩拿祖嘅把握力確實恐怖，但前鋒人選上又唔係太多都難以怪責羅渣士。至於過往歐霸盃分組賽出局、歐協聯四強無針對性部署、上季引援一塌糊塗等問題亦可以算一筆帳，但羅渣士對球隊有功亦有過，否則不會落到如斯田地。
現時球隊與羅渣士分開，球隊主席亦表示餘下10場比賽要展現團隊精神同拼勁盡力護級，撇除尋找新帥問題，寄望李斯特城能夠護級成功，盡力一戰🥹
Follow 足球港場Instagram
https://www.instagram.com/footballarena_hk/