NOC 嘅新菜式好健康甚至好啱做 gym 及運動人士，而甜品及甜麵包款式依然夠邪惡！
新款式推介「珍寶蟹肉蛋白多士」（$138），用多大大粒珍寶蟹肌肉，以蛋白炒香，嫩滑而不油膩，酸種麵包烘得香脆，伴有菠菜及沙律，充滿優質蛋白而口感輕盈。
廣告（請繼續閱讀本文）
另一優質蛋白之選係「香煎雞肉米形粉沙律」（$148）雖然菜式名字叫沙律但其實係主菜分量，雞胸慢煮再煎香夠入味，有嚼勁嘅米形意粉拌入香草醬，香郁而十分飽肚。
廣告（請繼續閱讀本文）
「海鮮意式雲吞伴龍蝦汁」（$148）意式雲吞以大蝦及芝士作餡料，另有藍青口、蝦仁及龍蝦濃湯底，以伴碟嘅酸種麵包蘸點來吃，吸盡海鮮滋味。
甜品及烘焙類嘅新款式熟夠晒邪惡，新系列嘅丹麥酥改成長條形，鹹味有車厘茄芝士，而甜品則有無花果、士多啤梨等，酥皮嘅層次十分清𥇦，鬆化香脆。
廣告（請繼續閱讀本文）
愛吃酥皮麵包更要試煙燻豬肉腸酥皮卷，外層麵包嘅摺疊方式令香腸卷看起嚟一絲絲，豬肉腸夠 juicy。其他新甜品仲有紅豆餡嘅抹茶 scone，伯爵茶巴斯克芝士蛋糕等新菜式款式有排試！