上月TVB節目《東張西望》揭發美孚九華徑燒烤場涉無牌營業，影響附近居民逾20年，即使被警方、食環署多次檢控，最終仍能繼續營業。其後在外11月20日警方及食環署再高調執法，現場人士被控599G限聚令，而兩名負責人分別罰款及緩刑，但正當以為一切平息之時，美孚九華徑燒烤場又再重生啦！今次仲大玩全新營業模式，網民直指「串到爆，似係有高人指點！」。
撰文：米娜 ｜來源：LIHKG討論區截圖、TVB《東張西望》截圖、Facebook@「張鈞翹 Steve Cheung」
美孚九華徑燒烤場2.0重生 再走法律罅！
大玩全新營業模式 網民：好串 似有高人指點
「九華徑燒烤場」改名為「Lucky360」，燒烤場的員工指「九華徑燒烤場」因為不合法例而結業，所以現時賣了盤予新公司，並改名為「Lucky360」並重新試業，而新公司也聘請了15位舊員工，其實與原批人馬無太大出入。有指現時場地以「全新營業模式」營業，強調新公司是場地管理公司，沒有收取任何場地費用及出售任何肉類，現在是「將私人用地回饋社會」，要將空間提供俾市民一家大細休憩咁話，可謂「非常有心」。
現在場地一概不提供食品，客人需要向「指定有牌食物製造商」下單網購訂單，同「Foodpanda」一樣將外賣叫到門口，所有肉類都要客人自行出門口拎；而飲品、炭等用品就由燒烤場內的士多提供，公司會從中拆帳，以用作水電費、人工等開支，也會負責維持場內衛生及秩序。
然而「Lucky360」拒絕任何以「Walkin」的形式入場，所有客人都要向「指定有牌食物製造商」購買燒烤包及訂座才可入座，場地也用了商業登記證申請「安心出行」二維碼，據悉食環署及警務署人員已派員到九華徑燒烤場視察，未知全新營業模式是否可行，正在等待結果。
網民看到九華徑燒烤場重生的消息就表示不意外，「咁都俾佢諗到，同政府過唔去！」、「即係轉吓啲擺位，當政府狗咁L」、「點都要幫襯大會指定燒烤包」、「東張西望又要做嘢」、「住隔離班人真係慘，諗住終於唔洗聞燒烤味，點知轉個頭又開返。」、「好串，似有高人指點！」
南無清靈陀佛 垃圾政府，年青人就識拉，班黑社會就冇符，黑警就無法無天犯法唔使坐
2021年12月20日11:03
牛魔王 作休憩用途不收費也應該要申請
公眾娛樂場所牌照 / 臨時公眾娛樂場所牌照？
另外，工廈派對限聚集人數，這種場所不限？
2021年12月21日03:49
道高一尺 魔高一丈，郭安髪加持嘅政府又可以光明正大地政商黑鄉合作
2021年12月20日11:41
KW 好嘢 美孚藍絲大媽快找民賤聯阿叔立法，體現香港式民主道路的時機到了
2021年12月20日12:03
顯示全部