姜濤接受鄭中基真心話大冒險挑戰 自認硬頸是最大缺點

鄭中基（Ronald）早前預告，姜濤將會亮相他的網上頻道「機動電視台」，今晚（23日）播出節目，兩人大玩「真心話大冒險」，姜濤表示自己最大缺點是硬頸，又指自己如果沒參加《全民造星》，相信自己現在是一個小學體育老師。

鄭中基以「同母異父」來形容與姜濤關係，由於二人都曾經演過表示毛舜筠（毛姐）的兒子。二人互問問題，其中姜濤表示入行前已喜歡看鄭中基的電影，姜濤說：「梗係想同你拍戲啦，因為我真係好鍾意你啲戲。（鄭：多謝多謝。）我又唔想講由細睇到大，但入行前真係好鍾意你啲戲，所以想同你一齊拍。（鄭：我諗諗吖！）」

其後，Ronald又問姜濤：「如果冇參加《全民造星》，你覺得依家做緊乜呢？」姜濤說：「我未參加《全民造星》時，我係讀Sport Coaching，我諗我會做體育老師，我自己好鍾意小朋友，我諗我會做一個小學嘅體育老師。」

另一條Ronald問姜濤的問題是：「你覺得自己最大嘅缺點係乜？」姜濤認真說：「我覺得自己最大缺點，一定係硬頸，有時硬頸到會完全唔聽身邊人嘅意見，對於自己嘅歌、對自己表演嘅嘢不嬲都係，可能嗰件事係錯，但我會繼續做落去，我唔想後悔嘛，如果唔係我會成世記住有冇做到件事，所以有時我好硬頸，的確出嚟效果冇咁好。」Ronald作為過來人則鼓勵姜濤：「做藝人某程度上都需要一份堅持。」