廣告（請繼續閱讀本文）
藝人湯怡出席HOY TV記者會，今日（17日）35歲生日的她受訪自爆說：「中秋節前後發生咗啲不愉快事件。我後知後覺，屋企被爆格完翌日行入衣帽間，先知道冇咗兩隻錶，其中一隻仲好有紀念價值，現金損失幾千，加加埋埋冇咗十幾萬！」她直言事後報案亦不得要領：「真係唔知啲賊點入嚟，後嚟我發現其中一隻窗被撬過，衣帽間亂咗，我以為係老公冇手尾，咪打畀佢囉，但諗諗吓發現唔對路！（冇閉路電視？）就係咁啱嗰排附近冇網絡，所以覺得點解會咁啱。（嚇親？）老公唔喺度要開燈瞓。」
損失令湯怡相當肉痛：「不過我諗破財擋災囉，最緊要個人冇事。（生日願望想老公送錶、啲錢畀晒你？）咁要Double先得喎，佢都會畀驚喜我嘅。依家最希望可以快啲搬走，都睇緊盤嘞，話晒我哋住得偏僻，嚟緊女女要返學，都會搬返入市區嘞。」
廣告（請繼續閱讀本文）
至於即將主持節目《星媽教育地圖》，她說：「我絕對唔係虎媽，連幫佢報讀幼稚園都要我家姐提醒，我唔想畀咁大壓力佢，淨係想佢自由發展。」
東網網站 : https://on.cc/東網Facebook專頁 : https://www.facebook.com/onccnews/