林曉峰（阿Lo）在陳果導演主理的《失衡凶間－死場》中，飾演推廣商場旺舖KOL，原來潮場翻身前暗藏駭人秘密，某個深夜阿Lo招惹商場「女鬼」，他被追殺頭破血流，開車逃走時被「女鬼」追到入車廂，更令他的私家車著火。
廣告（請繼續閱讀本文）
一邊演戲一邊駕駛「火車」的阿Lo事後未能抽離角色，他說：「拍攝當天只得攝氏8度，但我唔覺得凍，因為我喺車廂裏面，喺我手㬹位起火，雖然有啲距離但都好熱。之後連車頭都著埋火，火光紅紅。我除咗恐慌唔知可以做乜，所以剛才我一take搞掂，因為係我嘅真實反應。」
看了重播後，阿Lo亦冷靜說：「其實拍攝嘅時候，我同啲火係有安全距離，但睇playback拍到好近，好似喺我身上著火，好彩剃咗面毛，陳果導演和攝影師真係好勁。」
阿Lo笑言除了被大火包圍好緊張，而在車廂中與「女鬼」近距離演戲，嚇到個心離一離。問到戲中誰是「女鬼」？他賣關子：「呢部電影女主角係蘇麗珊和鍾雪瑩，兩位都係靚女，邊個係『女鬼』，我唔劇透住，但必須要讚我哋嘅特技化妝團隊好犀利，太逼真，我真係被嚇到。」
廣告（請繼續閱讀本文）
（即時娛樂）