事隔許久，Edan終於推出2024第一首新作《油麻地莎士比亞》，歌詞特別，情感真摯。
「多麽想 當你的雪櫃 天天都 被你開 餓了嗎 我裝滿各種愛 張開口 我是餸菜」
歌曲以一首「詩」開始，講出一個男生自知語文不佳，依然堅持每日寫詩比意中人既故事，方法傳統甚至稱得上老套，內容亦看似簡陋可笑，背後卻承載滿滿心意與誠意。
「這譬喻 就算讀來 多麽可笑 其實是通頂 度到今朝」
作品用依個故事為男士們道出心聲。唔少男生生活平凡，人生未必有太大成就，性格剛強，不夠細心，亦未懂浪漫，係名副其實既直男。
不過喺愛情上，為求得到愛人歡心，會變得願意花盡心思，用上一切方法，不辭勞苦風雨不改，付出多少都在所不措。多困難、疲倦仍然不放棄，只渴望得到一句我願意，依個就係愛既威力。
追尋愛情其實未必需要咩條件，只需一顆真心同恆心，其他人唔明白也好，只要心上人體會到就足夠。
「我用數十個字寫首詩 用盡了 最俗套 但溫馨 的俚語」
歌詞融合生活化同文學字詞，就好似油麻地同莎士比亞明明毫不相干，夾埋又相當符合故事男主角人設。即使懂得詞彙唔多，依然想用有限知識寫出動人詩篇，甜蜜又帶點心酸。
有別於其他E式情歌，《油麻地莎士比亞》無一個明顯爆發位，旋律溫柔，演繹相對平淡，但細聽會發現情感逐漸加深，唱腔仲有份成熟味。初頭聽未必好有感覺，但每聽多一次就會有多份感動淡然地唱入心，展現出更有歷練既呂爵安。
「有態度 就算用詞 不可思議 從文學角度 未算可恥」
MV貫徹Edan情歌風格，主角同樣帶點自卑羞澀，對女主角一見鍾情，即使身分有差距，仍一直默默以誠意打動對方，從彼此溫馨搞笑既相處，充分感受到男主角一往情深。可惜表白時做足準備依然失敗，心灰意冷之際，幸好結尾為觀眾帶嚟一點甜。MV加上富電影感既cover pic，使作品令人深刻，非常高質。
「凡人讀不懂 說是廢紙 不解 世上最深 愛意 」
相信唔少人都曾經因為愛而做過各種傻事，不怕尷尬，懶理旁人目光，只求得到愛人關注，藉此拉近距離。縱然最終成功與否我地無法控制，但能夠有依份勇氣絕對唔容易，值得對自己多一份欣賞同肯定。
「流氓唸不出 美麗句子 都請接納我的 創意」
呂爵安去年幾首作品涉足R&B、搖滾、跳唱，不同風格、題材同樣吸引，佢亦繼續喺劇集、電影等多方面發展。每年都睇到Edan一直進步同突破，絕對對得起全能藝人依個稱號，期待佢今年再出多啲佳作！
「天天寫 寫夠 四千次 可否講「我願意」」
最後，希望大家都有化身莎士比亞，為愛勇往直前既決心💕
《油麻地莎士比亞》Edan 呂爵安
作曲：溫翰文/ Marcus李俊緯
作詞：黃偉文
編曲：溫翰文
監製：Edward Chan / 溫翰文
「我用數十個字寫首詩
用盡了 最俗套 但溫馨 的俚語
誰人話 必須 要讀過書
方可每日為你寫詩
實在重要的 寫三次
縱是滿是錯字的小詩
那份愛 卻是厚過 莎翁每首詩
凡人讀不懂 說是廢紙
將詩聖 誤作 壞孩子」
▼Follow hkpopculturelover
Instagram: https://www.instagram.com/hkpopculturelover/