MIRROR成員陳卓賢（Ian）首度主演電影的《久別重逢》現正公映，今日（22日）他與戲中拍檔許恩怡及導演梁禮彥一同到戲院謝票，其中一場發現MIRROR副隊長、好兄弟江熚生（AK）亦有入場觀影支持。AK大讚電影好看，香港亦少見這類奇幻愛情片，導演則爆片中Ian手機密碼特地安排為1016，紀念電影開機的日期，碰巧亦是AK生日，非常有緣。
廣告（請繼續閱讀本文）
《久別重逢》其中一站在尖沙咀的謝票場，AK以觀眾身份入場，於映後答問環節才現身。其中一位戴cap帽的觀眾，一邊舉V，一邊「縮」下身子，不讓導演和演員見到他的樣子。主持笑道：「真係好奇怪喎，個個都好踴躍咁舉手，但唔知點解有人係咁縮低…」當主持行近這位神秘觀眾時，驚呼：「唔係喎，點解呢個人舉V嘅？邊個嚟嘅呢？不如請佢落嚟好唔好？」後來才揭曉這個人正是AK。
廣告（請繼續閱讀本文）
AK突然現身，Ian事前全不知情，非常驚喜，現場觀眾亦即時起哄。AK拾級而下，脫下口罩，一直走到Ian身邊，Ian亦已伸手跟他相握。AK表示：「其實我冇咩問題想問，我覺得香港好耐冇呢類奇幻愛情片，同埋中間嘅Twist覺得好睇，全部演員都做得好好。」
廣告（請繼續閱讀本文）
導演梁禮彥即時說：「仲有個小秘密。」AK即問：「下次搵我做？」導演又說：「好多人inbox問我，究竟許恩怡點知Ian電話號碼，電話密碼係1016（AK生日），係好美麗嘅巧合。Ian加把口：「唔係特登嘅！」AK再問：「點解咁啱係呢四個數字嘅？」導演表示：「因為我哋呢套戲咁啱係2023年10月16號開機嘅…」AK拉長尾音「哦…」導演續道：「咁我就賦予畀蘇昇華（鄭伊健、陳卓賢所演角色）嘅生日喇！咁啱又係你生日，我諗係一種緣份。」