廣告（請繼續閱讀本文）
《中年好聲音2》鄭梓浩（Brian）早前驚爆性醜聞，更疑一腳踏三船，人氣一落千丈。眼見香港市場容不下身，佢決心轉戰內地，遠離是非之地繼續搵銀。最近佢被發現除經常開直播收課金吸粉外，仲參加內地電視台嘅選秀節目《超級老聲2024》，成功踩入內地娛樂圈。
廣告（請繼續閱讀本文）
佢以林子祥經典金曲《敢愛敢做》掀全晚高潮，又大唱Beyond金曲《海闊天空》成功獲評判高度讚賞，以100分滿分成績贏得第一名出線，獲得不少網民支持，簡直威到爆。鄭梓浩獲內地知名音樂人愛新覺羅．啟笛高度讚賞：「我覺得你們太牛了……真棒！」內地撈得掂，睇嚟香港歌壇有排都見唔到佢喇。
東網網站 : https://on.cc/東網Facebook專頁 : https://www.facebook.com/onccnews/