樓市頻現短炒獲利個案，資深投資者呂宇健都加入短炒行列。他最近走進細價樓林立的荃灣荃景圍，以297萬元購入荃德花園一個兩房單位，他坦言短炒，認為「樓市跌多咗！」，農曆新年後會出現小陽春。
今次呂宇健購入的單位為荃灣荃德花園C座中層B室，實用面積340方呎，兩房隔間，成交價297萬元，呎價8,735元。他坦言，今次純粹短炒，因為有3個因素。首先預計農曆新年後會出現樓市小陽春，「樓市小陽春某程度可以話係本港多間發展商夾埋一齊嘅宣傳廣告。佢哋每年3月底就年結，埋單計返過去一個財政年度賣咗幾多樓，所以農曆新年後，發展商都急急推盤，做靚張成績表。」在樓市小陽春帶動下，樓市氣氛會稍為好轉。另外，一般而言，樓市較股市滯後一至兩季，過去半年，恒指由低位回升至逾2萬點，相信樓市都會回升。
廣告（請繼續閱讀本文）
不過最重要一點都是計數。他直言：「樓市跌多咗！我買入單位月租介乎1.2萬至1.3萬元，同類型單位市值租金都徘徊1.2萬元。如果以3厘回報計，單位估值480萬元。今日單位由480萬元跌穿300萬元，租金不變下，單位租金回報率達到5厘。細價樓有5厘回報，暫時可以話跌定咗。目前實際按息4厘以下，而單位租金回報率達5厘，基本上樓價需要止跌回升。以我多年投資物業經驗，租金回報率和按息一向都同步，所以如果單位租金回報率4厘，每月收1.2萬元租金，咁樣推算單位估值最少都360萬元。」
至於向來精於財技的他今次不承造按揭而FULL PAY買樓。他解釋：「今次係短炒，唔打算長揸。短炒和長揸唔同，如果層樓揸幾個月出貨，借按揭要罰息，咁我不如FULL PAY。」
密切留意BossMind動向！立即CLS
廣告（請繼續閱讀本文）