早幾年吉列牛大行其道，各家日式料理店陸續推出相關菜式，沾香草炸、配忌廉烏冬等，應有盡有。總店設於荃灣、主打抵食黑松露吉列牛的良心日式烤肉店「秘」幾乎「一年一分店」，繼佐敦、元朗店開業後，今年終於落戶港島，於上星期五（15/10）正式開業，繼續有售秘燒黑松露吉列牛、板燒安格斯牛、朴葉味噌牛肉等多款牛肉菜式。
廣告（請繼續閱讀本文）
廣告（請繼續閱讀本文）
廣告（請繼續閱讀本文）
記者採訪當日正值晚市，雖然小店位置並不顯眼，但亦有不少遊人被黑金色的店面及門口大大隻的「秘」字招牌吸引、駐步查看餐牌。而店內約有30多個座位，空間充足、走廊舒敞，比一般日式料理店更寬落，就算久坐亦不覺侷促。
至於招牌菜黑松露吉列牛除了抵食之外，味道亦有返咁上下，由於牛肉以石板炙燒，油脂較多、更為香口，黑松露味也頗出眾；加配$38定食（飯素白飯、流心蛋、昆布湯），填飽肚不成問題。如果未夠喉，可以試試小店的小食趣脆蝦波、手羽先（雞翼），一樣夠晒滋味。店舖不設訂座、只收現金，大家幫襯的話，就最好避開繁忙時間。
【秘 - 銅鑼灣分店】
營業時間：12nn - 9:30pm
地址：銅鑼灣謝斐道522號
文｜Layne
圖｜秘
💛FOLLOW AndThen.hk
📘Facebook: AndThen.hk
📷Instagram: @andthenhk
Ⓜ️MeWe: AndThen.hk