海皇粥店最近首次推出全港首間$10任食「粥品放題」，任食粥類及油炸鬼等小食，雖然只限灣仔店，已引發全城熱話，更極速引來一間日式食店抽水，於社交平台發帖寫道：「No joke，食粥食飯睇你」，宣傳「全港首間 $10 壽司飯放題」，網民爆笑熱烈討論！
廣告（請繼續閱讀本文）
日式餐廳「千之味」推出的$10「壽司飯放題」由10月25至10月27日全日供應，只限3日。食客可於限時45分鐘內任食壽司飯、豉油、Wasabi，設無限綠茶任飲。優惠適用於全線分店，只限堂食，亦不得與其他優惠同時使用。宣傳海報同時寫明如有浪費食物會以100克罰款$100計算，避免浪費食物。
這一場碳水化合物之戰，哪一間$10放題性價比更高？有網民分析指出，如果千之味用的是日本珍珠米及日本豉油，食客將更易「回本」；但亦有網民指出，「壽司飯自己整好簡單，但自己煲粥要睇火，油炸鬼就浪費好多油，豆漿又要浸豆又要磨或攪碎，每一樣都好麻煩。」投海皇粥店一票。另外亦有心水清網民提醒：「簡單嚟講白飯任裝」、「你係做先好，邊間分店！就$10 坐你45分鐘！」亦有人表示日式食店只是「抽水」，不用那麼認真。
廣告（請繼續閱讀本文）
圖片來源：Facebook@千之味刺身壽司專門店、泰極
【LINE你睇】每日精選網絡熱話，源源送上新鮮事，LINE你睇唔驚冇話題。