廣告（請繼續閱讀本文）
藝人張建聲早前與朋友合作製作出藝術雕像，今日（26日）於尖沙咀展出，他説：「同幾個朋友都好欣賞一個英國藝術家Banksy嘅畫像，所以就加入自己嘅設計，將佢立體化做咗呢個雕像DIVE IN LOVE，大家睇到佢哋都戴住舊式嘅潛水頭盔，有一種好想愛大家但又不能愛嘅阻隔。」他指與疫情間大家要戴口罩一樣，望疫情盡快過去，大家可除罩相見，他指已設計出數件作品，問到創作靈感，他説：「有時會諗我哋供奉嘅神明、拜祭先人會用白切雞，都食咗咁多年，其實我哋畀炸雞佢又得唔得呢？」他指想以創新玩味去將傳統保留。談到設計非常出位，如其中一個笑佛作品手持煙酒，他指：「其實聽日我哋都會用酒去供奉。」拍檔Lazian補充說：「我哋有問過相關宗教嘅人士，佢哋話只要你個心係尊重嘅就冇問題。」
廣告（請繼續閱讀本文）
張建聲早前於社交網發放貼文，內容指自己經歷生死一瞬間，問到此事他回應説：「發生咗啲意外，身體冇受傷，但第二朝起身仲係驚魂未定，因為呢件事學會珍惜現在。」他指不便透露太多，多謝大家關心。
東網網站 : https://on.cc/東網Facebook專頁 : https://www.facebook.com/onccnews/