作為一個冬季出生嘅孩子，感恩生日遇正各式海鮮嘅當造時期，所以由細到大，慶祝餐桌總有肥美肉厚嘅海鮮蹤影，口福滿滿！😝❤️
講到冬天最盛產嘅海鮮，我最愛實係生蠔！特別係上次喺牡蠣小屋食到嘅糸島產鐵盒焗蠔，至今仍然印象難忘！
得知近來餐廳又推出糸島祭，小編就立即與幾位遊日達人來食！仲遇見糸島旅遊大使山奇先生呢！有著詳細介紹，令我對北九州呢片地土有更多認識！（希望快啲有假，我要去糸島旅行！😍）
系島小簡介：
位於九州福岡縣西北面，被譽為「福岡小夏威夷」。糸島擁有無敵夕陽、白絲瀑布、龍貓森林步道等自然景觀，有著好多女生喜歡嘅夢幻打卡景色，與此同時，這兒亦盛產蔬菜與肉品，價格化算，是食控天堂！
\食評/
✦ 糸島產生蠔調酒 HK$58 🍴4.5/5
由山藥蓉、海藻莖、鵪鶉蛋、生蠔及清酒製成，入口好綿滑，膠質好重！飲飲下，喺中間會咬到一隻鮮甜肥美嘅糸島生蠔！難得係咁嘅組合一啲都唔腥，作為開胃前菜真係不錯！
✦ 橄欖油漬蠔 HK$58 🍴3.5/5
另一款前菜係橄欖油漬蠔，咸香鮮美，味道較濃，漬蠔肉質較實，有咬口，佐酒啱晒！
✦ 糸島產特鮮本鰆魚稻草燒 HK$168 🍴4/5
糸島產鰆魚，隆冬正好當造！牡蠣小屋食到嘅版本仲經過稻草燻燒，令魚肉沾上稻草芬香，食時香氣直上鼻腔，加上鮮美緊實嘅肉質，真心一塊接一塊停唔到！
據說系島鰆魚即便經過長長嘅運送過程，仍能保持高度新鮮，係因為用咗「活締」嘅屠宰技術及冰水冷卻～真心一試難忘！
✦ 糸島產生蠔3食 HK$198 / 1set 🍴4/5
糸島生蠔加3類唔同配料，呈現唔同嘅風味！第一款試嘅有炸彩米、蘋果絲，連蠔肉食，爽脆帶甜；第二款上面有柚子啫喱泡沫，清甜嘅啫喱泡沫更引出生蠔鮮味；第三款則配經典嘅香草蕃茄辣汁，平衡返生蠔嘅重creamy 及重海水咸味。
✦ 鐵盒燒糸島生蠔 HK$240/8 pcs；HK$420/16pcs 🍴4.5/5
估唔到喺香港都可以食到喺日本海濱先食到嘅鐵盒燒牡蠣！店家將牡蠣烤熟後，立即呈上枱，即開即食！入口仲有少少燙咀，真係鮮味無窮！😍🤤
糸島生蠔無咁Creamy，海水味又無歐洲生蠔咁重，相對嚟講，鮮度特別高，焗熟後，呢個特徵更明顯！好正！邊食蠔邊飲糸島山田錦同食，真係人生享受！
✦ 糸島產生蠔大黑本菇煮 HK$118 🍴3.5/5
食完焗蠔，我哋又食返個味道較濃嘅煮物！呢款生蠔大黑本菇煮，用咗偏咸嘅蠔油汁做base，突出漬蠔及大黑本菇嘅鮮味，仲有隻日本青椒仔天婦羅增添咬口，作為重口味人士，表示都幾鍾意！怕咸，其實個菜底部係蘿蔔蓉，撈埋食有助減輕個咸味。
✦ 糸島產吉列蠔卷 HK$118 🍴4.5/5
所謂好戲在後頭，最後一道菜先最令人驚喜！將原隻糸島蠔吉列酥炸，再卷上蔥花、米飯、紫菜，神來之筆係面層仲加上沙律醬，為卷物提鮮！呢個卷真係不得了！十級推薦！
📍店家傳送門：Kagura牡蠣小屋, 糸島 - 福岡之西海岸 （by 糸島市政府）
With：@yamakitomoyuki, @mr.travelgenius, 飛聞旅友 Travel be
✾分類標籤
daydayfoodie_restaurant
👆ᴿᵉᵃᵈ ᴹᵒʳᵉ
★－:+:－:+:－:+:－:+:－★
🎡味道：4.5
🎠環境：3.5
🎪服務：4
🕌CP值：3.5
（*5為最高分）
★－:+:－:+:－:+:－:+:－★
◌ 牡蠣小屋
◌ 銅鑼灣駱克道459-461號The L.Square10樓
★－:+:－:+:－:+:－:+:－★
🎀 記得like埋我，每日放送打卡好去處！📸
http://www.facebook.com/daydaycheckin
http://www.instagram.com/daydaycheckin
💗ᴿᵉᵃᵈ ᴹᵒʳᵉ
https://flowspace.hk