【獨媒報導】港超聯周日在深水埗運動場上演，深水埗在主場迎戰理文，慘呑對方四蛋。黃威取得兩個助攻，成為球隊取勝的功臣之一，當選今場最佳球員。黃威在賽後表示，今場發揮不俗，但指仍希望能盡快開齋，取得今季首個入球。他期望理文能贏到尾：「兔年開個好頭，繼續贏落去，贏到尾，希望可以攞到聯賽冠軍。」
深水埗上場賽事擊敗香港U23，今場力爭兩連捷，球隊精銳盡出，奧力斯把守最後一關，其他外援為捷西斯、權宰憼、沈云燮及尼高拉斯，傷癒的劉浩霖久休復出，剛由東方外借的朱偉鈞亦正選登場。
理文今仗由陳嘉豪把守最後一關，前線僅有艾華頓、基華尼頓，黃威、鄭兆均及張憙延均為正選，新加盟的塞拉利昂國腳後衛施沙未有進入出場名單。
立花稜也先開紀錄 黃威包辦兩個助攻
今仗上半場未有如預期般一面倒，深水埗更曾多次嘗試組織攻勢。22分鐘，基華利頓左路快放，艾華頓禁區內接應起腳射中目標，張憙延欲補中，但手長腳長的奧力斯接實。26分鐘，鄭兆均放冷箭，奧力斯撲出底線。29分鐘，艾華頓反擊殺入禁區，在推過波比後更欲扭過奧力斯，後者回身拍到，劉浩霖快步清走，現場球迷拍手讚好。
36分鐘，理文終於打開缺口，入球來自立花稜也與黃威的組合。立花稜也左路個人突破，禁區頂交予黃威，後者後腳再傳予立花稜也，左腳窄角色一抽射入，為球隊先開紀錄。在臨完上半場前，黃威大腳將皮球送上前，基華尼頓心口控定，突破半單刀推順射向近柱，皮球直飛網頂，他更脫下球衣慶祝，理文半場2:0以領先。
艾華頓右腳「都入波」 貝鈞奇開波前為舞獅點晴
深水埗下半場收起尼高拉斯，換入鄧子均。54分鐘，余煒廉接應基華尼頓的傳球，在左路助攻，張憙延門前撞入終於入波，理文贏到第三球。62分鐘，日前牛一生日、「三十而立」的顏樂楓入替張憙延。88分鐘，徐宏傑右路橫傳，艾華頓在「攞順」後，用「私家Q」右腳同樣輕鬆射入，替球隊贏到4:0。
今場入場人數為657人，港隊主教練安達臣亦有入場觀戰，他在85分鐘離開球場。在比賽前，深水埗民政事務專員黃昕然、足總主席貝鈞奇、深水埗體育會主席盧永文等人為舞獅點睛，不過在貝鈞奇進場時，就有球迷發出噓聲。
郭嘉諾：開始變我嘅踢法 欣賞球隊落後仍逼搶
在比賽後，亦即是完成首循環的聯賽賽事後。理文續排在聯賽榜第二位，與榜首的傑志同分，但得失球差不及對手排第二。深水埗主教練郭嘉諾表示，雖然今場輸波但認為「個踢法開始變我嘅踢法，郭嘉諾嘅踢法，迫搶做咗好多，跑動多」，而對比上次五球不敵理文，「内容唔同咗，我哋開始可以踢壓迫性嘅足球」。
郭嘉諾認為，雖然輸波但仍感到滿意，對《獨媒》指給予球隊七分：「起碼有五分係佢哋嘅精神面貌，去到最後輸緊4:0都做緊迫搶，呢個都係貫徹我想做嘅足球。」
陳曉明：屬於不俗的勝利 黃威冀取聯賽冠軍
郭嘉諾又感謝球迷入場支持，承諾深水埗在2023年會繼續做好，不過他承認時間不太好，但就強調當人腳充足便逐場進步，形容為寓賽於操。理文主教練陳曉明則表示，球隊可以製造更多機會，以戰果來說屬於不俗的勝利，另指施沙仍有待取得工作證。
黃威當選成為今場最佳球員，他早前曾因傷缺席多場賽事，透露在今月初更有兩個星期未有參與訓練，「波都無練，球場都無落，好彩個段時間可以抖得到，如果抖唔好就要另外做手術、其他嘢。」他期望兔年能夠順利，並為理文取得聯賽冠軍
記者：麥馬高、周頌謙