跟台灣人去玩！
香港人好鍾意去台灣旅行，貪佢又平又近又方便，短短幾日假都可以飛轉台灣hea吓食吓夜市。但去多幾次，發覺自己早就去晒嗰啲熱門旅遊景點、必食餐廳，已經安排唔到咩有新意嘅行程。其實台灣大香港咁多，仲有好多當地人好鍾意去玩但旅客就唔多識去嘅地方。今日就等DailyView以《KEYPO大數據關鍵引擎》分析台灣網民嘅大數據，統計2019年07月21日至2019年10月18日共三個月區間嘅《網路口碑－休閒農場》，介紹男女老幼都啱玩嘅十大台灣好評嘅休閒農場啦！
10 薰衣草森林休閒農場
──最啱：打卡、放鬆、拍拖、渡假
薰衣草森林係兩個台灣女仔嘅「紫色夢想」：擁有一畝薰衣草田，過簡單純樸生活。佢哋打造咗一片遠離煩囂都市嘅紫色森林，畀嚟到嘅旅客時刻都呼吸到花香，仲有一系列嘅住宿安排：香料美食、花香用品、森林住宿「香草House」等等。等都市人可以將日常苦惱拋諸腦後，享受森林嘅寧靜、恬淡嘅山居生活。
地址：台中市新社區中興街20號
電話：04-25931066、0971-566188 ( 香草House )
image source:
9 埔心牧場
──最啱：親子遊、露營、BBQ
埔心牧場打造咗一個悠閒嘅空間，提供爸爸媽媽一個同小朋友進行親子活動同學習嘅地方。園區入面有好多牧場專屬嘅活動，除咗可以俾小朋友體驗擠牛奶嘅樂趣，仲可以有餵食馬仔、小牛、小白兔嘅機會，絕對係香港小朋友無辦法喺都市生活體會到嘅事情！牧場入面仲可以露營同燒烤，可以話係一個親子樂園！
地址：桃園市楊梅區高榮里幼獅路一段439號
電話：03-4644132轉123、125，0800-268286
image source:
8 向陽農場
──最啱：親子遊、打卡、BBQ
向陽農場係北台灣最大嘅向日葵主題農場，入面除咗向日葵花海，仲有好多景色可以欣賞：五月到十月之間，園區入面可以觀賞到比人還要高嘅向日葵花海；一月到四月仲有薰衣草同埋七彩金魚草花海添。呢度除咗係打卡聖地，仲係學習花卉知識嘅好地方，絕對係喜歡園藝同土地嘅大小朋友嘅好去處。
地址：桃園市觀音區藍埔里11鄰52號
電話：03-4870629 03-4971202
image source:
7 立川漁場休閒農場
──最啱：親子遊、家庭旅行
立川漁場主打黃金蜆嘅相關體驗活動，入到去漁場有三個活動一定要做，其中一個就係「摸蜆體驗」；第二個係「蜆殼D.I.Y.」，小朋友可以加工蜆殼作為紀念品。最後喺特色餐廳品嚐「蜆風味餐」。漁場入面嘅活動動靜宜，又可以學習香港附近無嘅水上生態，係適合親子、家族旅行嘅好地方！
地址：花蓮縣壽豐鄉魚池45號
電話：0800-007-111 ，03-865-1333
image source:
6 綠世界生態農場
──最啱：親子遊、生態學習
綠世界生態農場係一個好好嘅學習地方，入面包含咗六大主題公園，好適合想帶小朋友邊旅行邊學習嘅家長。小朋友可以喺園區入面進行生態學習，學習大自然不同物種嘅多樣性，其中更加包括好多唔常見嘅兩棲類、植物、昆蟲等物種，包保小朋友可以學到城市無辦法見到嘅大自然奇妙之處！
地址：新竹縣北埔鄉大湖村7鄰20號
電話：03-5801000
image source:
5 台東初鹿牧場
──最啱：親子遊、打卡
台東初鹿農場最大嘅吸引力莫過於可以俾大小朋友親身感受大草原嘅樂趣。除咗普通牧場都會有嘅餵食動物同埋騎馬仔以外，初鹿農場仲有滑草場，可以俾大小朋友玩滑草坡道。除此之外，嚟到一定要試下佢地嘅奶製品：雪糕、奶酪、牛奶火鍋都好受歡迎㗎！好適合大小朋友一齊嚟玩！
地址：臺東縣卑南鄉明峰村牧場1號
電話：089-571002*166或214
image source:
4 新社莊園悠閒農場
──最啱：情侶、打卡、長輩遊
新社莊園悠閒農場主打特色建築同埋靚靚花景，好似古堡、酒莊、羅馬拱柱噴泉等歐式建築，都可以喺入面搵到。旅客就好似進入咗一個跨越時空同地域嘅旅行，明明身處喺台灣，又好似去咗南歐旅行咁！咁靚嘅地方好適合男女老幼嚟旅行，情侶喺呢度可以打卡影相，長輩都可以有一個放鬆嘅旅程！
地址：台中市新社區協成里協中街 23 號
電話：04-2582-5628
image source:
3 走馬瀨農場
──最啱：親子遊、長輩遊、渡假
走馬瀨農場最令人注目嘅地方，就係喺園區一片廣闊嘅草原上面，有一個由稻草編織而成嘅木馬，係唔少台灣人嘅著名打卡景點。除此之外，呢到仲提供關於台灣本土農業嘅體驗同埋教學，深得長輩、小朋友喜愛。呢度亦都係台灣人好鍾意嘅露營同BBQ勝地，真係打卡又得、度假又得、學嘢都得！
地址：台南市大內區二溪里唭子瓦60號
電話：06-5760121
image source:
2 清境農場
──最啱：親子遊、長輩遊、打卡
喺香港，最為人熟悉嘅台灣農場一定係清境農場啦！去到清境農場，香港人最鍾意就係喺青青草原上散下步，餵下羊仔、睇下馬仔Show，再去埋小瑞士花園，影番幾張靚相，咁就心情愉悅啦！除此之外仲有唔少人選擇喺到住一晚，跟手再報團觀星睇日出。清境農場真係最適合打卡、親子遊同埋帶長輩散心旅行嘅地方！
地址：南投縣仁愛鄉仁和路170號
電話：049-2802748
image source:
1 福灣養生休閒農場
──最啱：渡假、親子遊、長輩遊、打卡、情侶
位列台灣網民好評第一嘅福灣莊園休閒農場，喺莊主同仔仔嘅努力底下，由原本嘅魚塭變咗台灣度假勝地。呢個莊園結合當地歷史人文、自然生態，旅行之餘仲可以了解東港嘅歷史背景。另外福灣莊園都係台灣精品朱古力嘅產地，係世界級朱古力金牌人馬嚟㗎！入嚟除咗度假、學台灣人文歷史，仲可以DIY朱古力添！
地址：屏東縣東港鎮大鵬路100號
電話：08-8320888
image source:
分析說明：
本研究資料由《KEYPO大數據關鍵引擎》、《KEYDERS網路意見領袖搜尋引擎》。提供，分析時間範圍為2019年07月21日至2019年10月18日。
網路大數據系統觀測台灣地區上萬個網站頻道，包括新聞頻道、Facebook、Instagram及各大討論區、BLOG等，針對討論『休閒農場』相關文本進行分析，並根據網友就該議題之討論，作為本分析依據。
本文分析之結果，非參考投票、民調、網路問卷等資料，名次僅代表網路討論熱度大小，不代表網友正負評價。
