扮演咗「美國隊長」8年嘅基斯伊雲斯（Chris Evans）早前完成《復仇者聯盟4》（Avengers 4）嘅補拍，正式宣布執包袱離開。即係喺未來任何一部漫威電影中都唔會再出現喇！
Chris Evans就喺Twitter留言指：「正式殺青《復仇者聯盟4》，最後在這裡真讓人情緒激動，扮演這個角色至少8年是我的榮幸。每個幕前、幕後以及觀眾每個人謝謝你們的回憶，永遠感激！」
廣告（請繼續閱讀本文）
唔少網友睇到依個post都忍唔住留言話接受唔到。
廣告（請繼續閱讀本文）
而《復仇者聯盟4》亦確定會成為Chris Evans扮演美國隊長嘅告別作，佢今次呢個宣佈就好似係同大家講喺之後嘅漫威電影中唔再扮演或者客串美國隊長，令一班粉絲推測佢將會死嗎《復仇者聯盟4》之中。
另外，其實Chris Evans早喺3月時就向《紐約時報》表示，佢嘅合約本來喺《復仇者聯盟3》後就已經結束，但因為官方想將《復仇者聯盟3》分成2集拍，而其中原因係因為呢集入面有太多角色，冇辦法濃縮，所以要喺秋天補拍埋《復仇者聯盟4》之後先以正式告別角色，仲形容為「要喺佢哋將你推下去之前先離開」。
廣告（請繼續閱讀本文）
Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）