藝人黃日華（華哥）一向都係圈中出晒名嘅好男人，近日佢就同囡囡黃芷晴一齊參加內地節目《女兒們的男朋友》，喺節目上一眾爸爸會見住自己嘅寶貝女同「男朋友」拍拖嘅實況節目。節目中，黃芷晴經常都大爆華哥嘅窩心事，仲成日流露出對爸爸嘅愛，令唔少人都大讚黃日華係好老公、好爸爸。
撰文：Kammy｜圖片來源：Instagram，節目截圖
黃日華被封「絕種好男人」
現年57歲嘅黃日華，當年同比佢大兩歲嘅梁潔華，同樣出身無綫藝訓班，1980年拍《京華春夢》認識，82年拍拖，曾因療為第三者介入而分手，期間黃日華先後同鄧萃雯、龔慈恩拍拖，但始終心繫梁潔華。二人88年復合並拉埋天窗，90年誕下女兒黃芷晴。
貼身照顧太太
2013年底，梁潔華喺無預警下被驗出患上血癌，需要住院接受治療，當時華哥日日進出醫院，更推哂手頭上所有工作，親自照顧患病嘅太太。華哥不時都被拍到同太太到醫院覆診，對太太貼身照顧。
華哥除咗錫老婆之外，仲好錫個女芷晴，經常將阿女掛喺嘴邊，喺其他人面前不停大讚芷晴好乖女。早前芷晴病咗，華哥仲親自車愛女去睇醫生，係個廿四孝爸爸！
心甘命抵剝蝦
最近播出嘅一集中，黃芷晴大爆華哥喺屋企好體貼嘅一面，就係由細到大佢都會主動為家人剝蝦，只要當晚嘅餸菜有蝦，華哥都會出動！黃日華事後表示：「我覺得給他們服務是我的光榮」，真係超Sweet呀！
芷晴事後亦有喺社交平台上分享剝蝦一事，留言表示：「華哥就是控制不了的喜歡剝蝦的男人，有時候在家裡要跟他搶著剝蝦，我覺得每個人有不同的喜好，我也控制不了別人說什麼，但我就是敬佩他對家人的細心，他幫我們剝蝦，我幫他舀湯，這些細微的舉動其實可以讓對方覺得很溫暖」，真係睇見都覺得Sweet呀！
黃日華曾被埋怨不顧家
黃日華1980年開始進軍演藝圈，好快就已經上到一線小生位置，其後主演劇集《義不容情》，令華哥嘅人氣再度急升，每日都拍唔同嘅戲，工作十分忙碌。不過，華哥喺節目中透露，原來當時曾經畀太太埋怨冇時間留畀屋企，令到佢兩母女好似生活喺單親家庭一樣。
為妻女退隱娛圈
其後，華哥分配好自己嘅工作時間，更係事業高峰時退隱演藝圈，為嘅就係投放多啲時間陪屋企人，唔好錯過囡囡每一個成長階段。華哥更指，工作只可以擁有一時，但家庭就係可以擁有一世，所以一定要好好處理家事。
華哥曾經表示：「以前工作很忙，很少照顧她，所以一直不太了解她的個性和需要，所以女兒從來沒有向我撒嬌，可能因為平常我說話不多，我不開口的時候樣子比較兇，所以她有點怕我。」其後，華哥放多咗時間喺屋企後，用咗7到8年時間陪個女，令到同阿女嘅關係變好，更話「我覺得我非常開心」，依家仲成日形影不離添！
認為老婆比囡囡重要
節目第一集，芷晴被問到華哥最愛嘅嘢係咩，芷晴先後答咗奶茶、足球、麵包同老婆。華哥其後答：「女兒沒得選，但老婆是自己選的，自己娶回來的，所以要結自己選擇的愛人最好的生活，好好愛她、保護她、疼她。如果女兒和老婆之間選擇，我覺得老婆比較重要一點。」華哥仲經常提醒自己要將老婆放第一位，真係一個絕種好男人！
經常掛爸爸喺嘴邊
雖然芷晴同華哥嘅關係曾經好疏離，但喺節目中每個對話都可以睇到，其實佢同爸爸黃日華之間有好深厚嘅感情。早前，陳一天帶芷晴到路營車玩，期間更提到搵日同爸爸一齊去玩，不過華哥就要負責開車。秦沛呢個時候仲補多句：「好可憐的老爸啊。」
最新一集中，芷晴同陳一天去釣蝦，提到以前都試過同華哥去釣蝦釣足一年，原因係華哥一專注做每年事就唔會半途而廢。芷晴更指，呢一日係「回憶爸爸日」，其他嘉賓就從中見到芷晴有幾愛爸爸，因為每一集都係會提住對方。