楊明、曹永廉、姚瑩瑩、李嘉、莊思明秘密撐警被公開？網民：除了幾位阿Sir其他唔識

藝人對政治都有不同政見，對警察支持與否都有個人見解，但可能未必想公開？今日(13日)網上就流傳一張相片，據稱係一張TVB藝人到警察總部為警察打氣的相片，而截圖中更看到下方有黃宗澤舊愛朱庭萱的留言：「Please deleted and don’t forward out!!!」、「醒啲好唔好呀！人哋嚟支持你哋害死人」到底點解會「害死人」？表態支持警察會「害死人」？

相片中見楊明、曹永廉、姚瑩瑩、李嘉、莊思明、莊思華、李嘉、劉俐、李霖恩等人，還有就是警方記者會的謝振中、江永祥，橫額寫著：「致PPRB各位勞苦功高的警務人員」。有網民在連登開Post「TVB藝員萬千星輝撐警暴」，寫道：

「後排右一：李嘉 （曾任輔警）

後排右二：姚瑩瑩（愛回家 helen姐）

前排左一：曹永廉

前排左二：李霖恩（前保安局局長李少光之子）

前排左三/四：莊思明, 莊思敏 （大馬拿督女兒）

前排右二：楊明

前排右一：朱匯林（愛回家 潮生助手 阿鬼）

其他真係認唔到 唔知要用咩字google……」

其實當中有人都一早表態，好像區選當日在Facebook就流傳一則由用戶名「曹永廉」所發出的帖文，「搞掂！黃屍食屎啦」。