香港唔單只有藤原豆腐店，而家連日本巴士都千里迢迢黎到香港啦！去過日本旅行既朋友仔可能未搭過巴士，但都會見到一部部白雪雪既巴士係馬路上駕駛，充滿著日本感覺的簡約風。大家去日本怕蘯失路唔敢搭既話，而家係香港就可以試「搭」日本巴士啦。唔係模型呀，係真正行得郁得既日本巴士！
廣告（請繼續閱讀本文）
圖片來源：FB@遨群巴士收藏 AoKun Bus Collection｜撰文：Mifa
香港巴士收藏家 日本買車運送到港
其實呢架巴士唔係真正載客的交通工具，而係香港的巴士收藏家的寶貝。於日本購入巴士後直送香港，而家就係元朗錦上路成為一眾巴士迷的朝聖地！香港巴士大家就見得多啦，日本巴士而家都有機會比你影相打卡啦。
廣告（請繼續閱讀本文）
曾打扮成結婚花車 聖誕夜奔走香港街頭
雖然呢架巴士就唔係公眾交通工具，不過佢就做過婚禮花車，接載新人親友。日系的外型配上喜慶的紅雙喜，同平時簡約風格截然不同。除此之外，上年的聖誕節佢仲以「鹿車」的造型出現係香港街頭，日本巴士同香港燈飾夜景同框，大家又有見過呢？
廣告（請繼續閱讀本文）
錦上路日本巴士前往方法
如果大家都想同日本巴士打卡合照，就要到元朗錦上路尋找佢既身影啦！
巴士 – 九巴 54 、 64K 、 77K 、 251A號於「沙田坑村」站下車 或 251B於「錦上路」站下車
地鐵 – 西鐵線「錦上路」站C出口，步行約5分鐘
自駕 – 於金力停車場停車