不少人放假都會去Staycation，如果用膳時，食到異物，真係好可怕！有網民分享其入住五星酒店經歷，女朋友食用蛋糕時發現中間有條毛，男事主更形容「真係好核突」！
撰文：Yuen｜圖片及圖片來源：Staycation Hong Kong Hotel – 留港宅度假 本地酒店住宿優惠@Facebook群組、Unsplash、《愛回家之開心速遞》｜原文刊於：GOtrip
發現港島五星酒店蛋糕有毛
男事主於facebook群組分享「Staycation Hong Kong Hotel – 留港宅度假 本地酒店住宿優」在港島五星級酒店之經歷，他表示當初為了圓形浴缸才選擇這間酒店，誰知會有一番如此恐怖的體驗。
食到一半 發現蛋糕中間有毛
當時男事主用了餐飲消費額（Credit）叫客房服務（Room Service）點了甜品做宵夜，誰知食到一半的時候，女朋友的芝士蛋糕中間有條「粗粗哋攣攣哋嘅毛」，而男事主表示作為男人8成「肯定是某部位的毛」，還要食了一大半，十分嘔心！
酒店回應誠意欠奉
當天晚上男事主即刻投訴，最後只是取消了張單及補償延遲退房，而第二天退房的時候，連一句道歉都無！男事主提到第二朝早上飲完杯奶，還要肚痛了幾個鐘。這間酒店只有圓形浴缸是Okay的，除此之外所有都強差人意。
事後男事主去信投訴
退房之後，男事主當日即時去信投訴，投訴「蛋糕有毛」。當時酒店經理答應了調查後會給予回覆。最後該酒店向事主道歉及提供免費下午茶。
網民紛紛訴苦 成苦主大聯萌
男事主分享後，引來數名曾入住該酒店的網民來訴苦，他們表示「當初又係貪得意俾圓型浴缸吸引，但其實酒店都幾舊」、「Blacklist前店服務態度真心差」、「早餐很差，無嘢食不特止，還要限時1小時」、「呢間超差，服務差，所謂海景得條隙，又污糟，拎起個電話臭，陣口水味離遠都聞到」可見酒店苦主不只得男事主一角，許多人入住後都表達不滿酒店。
男事主：不過幾錢都好，條毛都唔可以接受
有網民留言問男事主「Book了幾錢」，男事主亦有答覆說：「星期六入住價$1,840再+1。圓形浴缸房，包$1,400蚊credit、早餐、lounge下午茶同happy hour。」價錢確實吸引，更稱得上抵玩「不過幾錢都好，條毛都唔可以接受！」