相信吉野家牛肉飯是不少人午餐、下午茶的選擇，不過放假連行落街的動力都沒有，落到去又要同人排隊，如果可以在家即刻食到就好喇！最近香港吉野家就推出了即食和風牛肉包，暫時於工展會出售，唔知將來便利店會唔會都有得買呢？
其實台灣吉野家去年就已推出即食牛肉包，今次終於輪到香港喇！即食和風牛肉使用獨立包裝，只需加熱就可以食，夠哂方便！即食和風牛肉有一盒兩包裝($42；會員價$38)和一盒一包裝($22；會員價$20)。
廣告（請繼續閱讀本文）
即食和風牛肉不可以用微波爐加熱，不過可以整包放進滾水加熱，十分鐘就食得。
廣告（請繼續閱讀本文）
獨立包裝內有齊牛肉、牛汁和洋葱，同在店內食到的差不多！
廣告（請繼續閱讀本文）
除了即食牛肉包外，今次工展會吉野家更推出了極上牛肉火鍋片，選用去骨牛小排，有120克($59；會員價$54)和220克($110；會員價$100)兩個份量選擇。
另外，買滿指定金額會送吉野家紀念碗及月曆，暫時買滿$150送月曆，加買一包極上牛肉火鍋片就送埋吉野家紀念碗，不過優惠隨時更改，買之前記得要問下職員先！