沙田一向係踩單車嘅好地方，趁著黎緊3日假期，不如就試下最近由沙田新城市廣場同香港城市單車生活平台「Bike The Moment」合作，重新設計嘅沙田單車新路線啦！「新路線」全長大約30公里，只需要2-3小時就可以輕鬆來回，沿途仲會經過多個打卡位，好彩嘅可以係天橋上同鹹蛋黃一齊影相，另外亦有傳統舊建築可以打卡～想知新路線到底係點，記得睇到最後啦！

圖片來源：網絡圖片｜撰文：Candice

新路線由沙田作為起點，沿途已經過大圍至馬鞍山附近秘景，當中涵蓋8大打卡景點，包括：橙色天橋、百年古蹟積存圍、泥涌石灘同被CNN 評為「香港欣賞夕陽的最佳海灘」烏溪沙碼頭欣賞日落景致添～而家即刻黎睇睇詳細路線介紹同詳細啦！

沙田單車新路線第1站. 香港文化博物館

由新城市廣場為路線起點，穿過紅十字會後嘅小路，往大圍方向就能到達香港文化博物館。 而香港文化博物館是全港規模最大的博物館，內容涵蓋歷史、藝術和文化等範疇，大家經過都可以順便入去睇下展覽㗎～

輸入影像說明沙田單車新路線第2站. 橙色天橋

下一站是位於文化博物館後面的「橙色天橋」，因為那裡的欄杆都被油上鮮橙色，所以很適合打卡！途經這裡時大家可以因應道路情況，停低打下卡！

另外係天橋上面仲可以見到路軌景色，感受列車係腳下經過嘅震撼，配上柔和嘅陽光或者日落嘅餘暉，真系超有情調！

沙田單車新路線第3站. 水泥橋底

從「橙色天橋」順斜路而下，便可以到達水泥橋底出口位置。今次呢個新路線單車之旅，其實就係希望大家可以係新路線中發現一D從前未曾著眼嘅獨特社區景觀，而呢個極具空間感的橋底就係最驚喜嘅其中一個打卡位！

沙田單車新路線第4站. 積存圍

沿著單車徑一直踩好快就會到大圍，呢度其實藏著一條幾百年歷史的大圍圍村，係沙田歷史最悠久以及規模最大的圍村 ——「積存圍」！

積福街嘅呢條圍村有「積善」及「存仁」嘅意思，圍村大約於16世紀末建成，到現在為止大約有 400 多年的歷史。由於係規模最大的圍村，因此得名大圍。

雖說圍村已經經歷數百年的歷史演進，舊村屋大部分已重建成丁屋，不過至今還有很多歷史痕跡可以慢慢欣賞。

沙田單車新路線第5站.林蔭大道+車公廟

離開喧鬧嘅大圍，向著新翠邨進發又有另一番風景。新翠村後嘅翠田街林蔭大道就係前往車公廟路線上嘅另一驚喜。林蔭大道被兩旁大樹所包圍，伸延出一條寫意的綠色通道，兩旁更設有長椅可以被大家休息。沿著林蔭大道前進，轉個彎就到4大廟宇之一嘅「車公廟」。挑一個悠閒週末，踩著單車避開人潮，相信會係唔錯嘅選擇。

沙田單車新路線第6站. 城門河畔+雙子橋

沿著城門河畔前進，就會來到有「雙子橋」或「孖橋」之稱嘅翠榕橋。雙子橋位置獨特，位於城門河畔盡頭，一邊可以回望整條城門河畔，另一邊就係沙田海嘅海口，可以遠眺馬鞍山沿岸一帶，能夠飽覽近乎無遮擋嘅景色。「雙子橋」上亦設有椅子供遊人休息，黃昏時候去特別chill！

沙田單車新路線第7站. 烏溪沙沙灘

路線黎到尾聲，下一站就係烏溪沙沙灘！係香港能夠有單車徑接駁著嘅沙灘並唔多，而烏溪沙就係其中之一。烏溪沙沙灘最有名係早幾年出現嘅「海之心」，雖然而家消失左，但呢度依然係曾被CNN評為「香港欣賞夕陽的最佳海灘」！

烏溪沙一帶其實有好幾個觀看日落嘅最佳位置，當中包括位於青年新村嘅烏溪沙沙灘以及渡頭灣村嘅烏溪沙沙灘。前者面向較北嘅位置，天氣好的話能夠清晰遠眺八仙嶺，後者面向較正西位置，因此都能夠正對著太陽日落時嘅美景。而除左呢兩個地方，仲有從海邊伸延出去嘅烏溪沙公眾碼頭。碼頭嘅最終點位於海中央，岩曬想飽覽海景嘅朋友～

沙田單車新路線第8站. 泥涌石灘

係馬鞍山繼續沿著單車徑往東前進，經過烏溪沙，大約15至20分鐘便到達泥涌石灘。退潮時黎到可以趁機係泥灘行下，不同的天氣，不同的時分，不同的潮汐高度，可令景色產生無窮的變化。站在潮退嘅泥灘之中，以近乎水平線的角度看著對岸的八仙嶺以及船灣淡水湖，加上周邊四野無人，可以享受到黃昏帶黎嘅獨有暮色。呢度亦係「新．沙田單車路線」嘅尾站，愉快單車遊就喺優美嘅景色底下結束。

介紹完呢條輕鬆、低難度嘅「新．沙田單車路線」，今個假期一於約埋朋友去沙田踩單車啦！約人要搵聚腳點，或者出發前先食個飯、補給戶外運動用品等，新城市廣場係其中一個熱選地方。

新城市廣場最近將1期1樓西翼（近Bricklane）位置加設【單車加「友」站】，為單車友提供免費室內單車停泊服務。加油站設有單車泊架及DIY維修小工具，大家可即時為單車輪胎充氣、調較零件同seat位。

見到咁多靚景靚相，大家都快D去約定朋友今個星期見啦～