【地靈人美】平嶋夏海　飛車飛到松本城

家陣好多活動都已經唔係男人嘅專利，好似打機咁，好多女仔都投身機迷行列，對於打機嘅熱情絕對不下於男仔，而享受飛車樂趣亦都一樣，好似日本寫真界美人兒平嶋夏海咁，最近就迷上咗揸電單車四圍遊山玩水喇！出身於大型美少女團體嘅平嶋夏海早前成為一個介紹電單車資訊嘅電視節目《tv.moto Channel》嘅主持，佢就絕對唔係花瓶角色，而係真係有花心機了解箇中學問及新資訊，自己更加因為成為電單車愛好者，不時進行電單車自駕遊，早幾日就揸住愛駒KAWASAKI W800飛到去松本城，欣賞一下呢個日本國寶級古城喇。‏

松本城位於長野縣松本市，區內除咗有呢個國寶級建築物值得遊覽，仲有其他不同景點，例如展出好多近年藝術家草間彌生作品嘅松本市美術館，以以乳白色泉水聞名，同時可以讓人一邊浸溫泉一邊飽覽翠綠自然山川美景嘅白骨溫泉。想享受購物樂趣，又想感受日本懷舊下町風情的話，就可以到繩手通商店街閒逛一番。

東網網站 : https://on.cc/

東網Facebook專頁 : https://www.facebook.com/onccnews/