今時今日，俘虜到男友嘅心只係基本野，係少子化嘅社會入面，更高招嘅做法係要徵服埋奶奶嘅胃！等奶奶放心將自己嘅「心肝腚」交比你，奶奶錫你，婆媳關係好，你同另一半先會有好日子過！新年就到，識做嘅好新抱當然要為奶奶張羅一餐好好睇睇嘅團年飯，同尊貴嘅奶奶歡聚100%！
＃放閃型奶奶 X「寓吃飯於賞藝」法國名畫與法式中菜新穎配搭「Van Gogh SENSES」
放閃型奶奶與時並進，精通各大修圖軟件，最愛show off自己每一個幸福時刻。要滿足佢地，當然要到環境一流，配上精緻新穎菜色嘅高檔餐廳，幫佢影靚相瘋狂打卡。
不如帶佢地去全球第一間以梵高為主題嘅藝術概念店「Van Gogh SENSES」啦！店內不但佈滿梵高嘅藝術裝飾及名言，更特設JFOODO 特色和牛100% 新春餐單，包括「蟹肉海蔘酸辣湯」、「避風塘炒及紙包鱸魚」、「XO醬炒和牛粒脆麵」，以及「沖繩黑糖薑茶湯圓」等中西合璧的精緻新派菜，好讓一眾放閃型奶奶「相機食先」，將幸福定格！
提起打卡，杯中之物當然可以為照片大大加分。為此，凡在「和牛100% 歡聚100%餐廳體驗活動」期間惠顧和牛100%餐單，可免費享用餐前酒乙杯。
Van Gogh SENSES
地址：尖沙咀廣東道2A號1881 2樓208號舖
電話：2622 2887
＃傳統型奶奶 X 米芝蓮兩星中菜廳營致會館 大魚大肉過肥年
踏入農曆新年，傳統型奶奶著重嘅係兆頭，有好意頭嘅菜式就最討喜。
與其嘗試奶奶自己都整得到嘅傳統賀年菜，倒不如同奶奶一齊享受新派中菜，米芝蓮兩星中菜廳營致會館就推出新年限定餐單，為傳統農曆新年注入新氣象。詳情如下：
黑魚子螺片海红葉伴香蔥頭抽爆鹿兒島A4和牛粒，寓意年年有餘、開枝散葉，以及聰明伶俐。
陳年花彫蛋白蒸星斑球，寓意升官發財。
蠔皇黑豚肉扣南非鮮鮑，寓意新一年好事連連，飛黃騰達。
濃雞湯杞子浸花膠，寓意花開富貴。
上菜時，不妨介紹每道菜餚嘅寓意，哄得未來奶奶心花怒放。
營致會館
地址：中環干諾道中41號盈置大廈地下G05、107及108號舖
電話：2801 6882
＃春春少艾型奶奶 X 精緻的法日夢幻之宴Le Rêve
「十年又過去，舉止仍像少女」依家啲奶奶唔少都保養得宜，唔好講話１０年，你個仔出埋世都仲係可以Keep住少女嘅青春感覺！想同呢類奶奶打成一片，就要帶佢地去少女最愛嘅夢幻餐廳，例如日法合璧的新派料理餐廳Le Rêve ，其法文意思是「美夢」，並以「夢」作為餐飲理念，店內裝潢仍充滿少女熱愛的水晶球及捕夢網，並適逢新年特別推出2020限定團年飯餐單，希望大家展開一場夢幻的「日法」味覺之旅。
招牌前菜「法式和牛韃靼牛肉」、「象拔蚌刺身」及主菜「A4鹿兒島里脊肉」和「烤鰻魚」中使用矜貴的日本鹿兒島A4和牛，配上醃黃瓜及酸豆等西方食材，精緻夢幻。
「和牛100% 歡聚100%餐廳體驗活動」期間惠顧新年限定餐單及點讚「日本和牛」Facebook專頁即可享搭配紅酒乙杯。
Le Rêve
地址：銅鑼灣耀華街38號Zing! 10樓
電話：2866 1010
＃奢華型奶奶 X 食得招積的高級懷石料理FUMI
奢華型奶奶追求高端極緻嘅生活品味，對「食」更有嚴格要求。
主打精緻懷石料理嘅FUMI 就非常適合佢地，店內「宮崎和牛新年限定餐單」更大玩一「牛」三味，包括「宮崎和牛洋蔥沙律」、「宮崎和牛肩鐵板燒」，以及「宮崎和牛壽喜燒小鍋」，食得刁鑽考究，包保一眾奢華型奶奶享受到日本和牛「入口即溶」之美味極致。
當中，「宮崎和牛肩鐵板燒」需自行用石板爐燒，親自炮製燒肉料理，讓你可以最純正的100% 日本和牛款待各個家庭成員，展現「入得廚房，出得廳堂」 的功力，在奶奶的心中大加印象分。
雖然食得招積，但在「和牛100% 歡聚100%餐廳體驗活動」期間推出限定優惠：凡三人或以上惠顧「宮崎和牛新年限定餐單」可享9折，六至十二人則享8折。萬勿錯過！
FUMI
地址：中環德己立街30-32號加州大廈6樓
電話：2328 3302
唔理你嘅（未來）奶奶係邊一類型，都要對症下藥，畢竟過年長輩心情好，做細嘅先會過得開心，愛得甜蜜～希望大家都可以氹得奶奶開開心心，新一年就過得更順心啦！