的士禮貌運動開始，全城開始更關注的士行業的禮貌問題，最近網上流傳一段車cam影片，的士司機與乘客的惹火對話引起網民熱議，片段最終顯示乘客被的士司機趕下車，不歡而散。
長約2分鐘的車cam片段中，顯示的拍攝日期為6月5日下午2時多，片段剛開始是男乘客稱家人有事，要求的士司機「盡快」，在司機表示路面情況未必允許後，乘客再低聲下氣說：「我知，盡快吖，我真係屋企人有事。」司機示意不能：「喂喂喂，我…」乘客此時開始提高聲量表示：「我知，我同你講盡快。」的士司機也立即大聲打斷說話反擊：「你要發我脾氣你就落車。」乘客再表示只是要求「盡快」。
廣告（請繼續閱讀本文）
此時，的士司機強調已經盡快，並建議事主「唔好理屋企人嘅問題」。乘客回應：「我冇發你脾氣，只係要求盡快。」但司機已立即下逐客令，「得得得，你落車坐過第二架！」並停車把乘客趕走。乘客求情「唔該司機」不果，最後爆粗罵司機「食X狗」開門下車。
到底誰是誰非，網民展開激烈討論：
廣告（請繼續閱讀本文）
「的士司機拒載就已經犯法。」
「乘客因屋企人有事先比較激動，唔應該叫人落車。」
有人則曲線支持司機：
廣告（請繼續閱讀本文）
「我覺得好明顯係個乘客唔啱啦！我哋要做個有禮 ，又要顧及到司機大佬感受的乘客㗎嘛。話晒做乘客都係一個專業的服務性行業。」
亦有網民認為各有不對的地方：
「（乘客）你講一次就算，你自己都睇到交通情況㗎嘛！」
另有網民突破盲點：「Share車cam片段嘅一定係司機，所以一定係乘客錯先會share啦！」因此的士司機沒有地方需要改善。
圖片來源：網上影片截圖
【LINE你睇】每日精選網絡熱話，源源送上新鮮事，LINE你睇唔驚冇話題。