賀歲片《祥賭必贏》昨晚（25日）舉行優先場，一眾主演包括張繼聰、蔡卓妍（阿Sa）、朱栢康及吳家忻（kayan9896）出席謝票活動，吸引容祖兒、彭秀慧、蔡一智等人入戲院捧場。阿Sa之前踢爆容祖兒曾經讚朱栢康靚仔，昨晚Joey一見朱栢康，隨即開心地拉著他及阿Sa合照，弄得夾在兩女中間的朱栢康一臉尷尬，場面相當好笑。
廣告（請繼續閱讀本文）
阿Sa相隔多年再拍港產喜劇，閨密的Joey約埋一班好友齊齊支持阿Sa，後者則笑指Joey今次順道來捧朱栢康場，三人合照時，朱栢康變得怕醜仔上身，更大嗌腳軟！入場後，Joey更在觀眾席不時影住朱栢康，阿Sa還助慶大叫：「我同祖兒都覺得朱康好靚仔呀！」
廣告（請繼續閱讀本文）
廣告（請繼續閱讀本文）
至於兩位主角阿Sa和阿聰全日走訪多場謝票，阿聰笑言二人組成謝票組合「Louisa」。被問到票房理想，二人有何福利回饋影迷，阿聰笑指：「我同阿Sa會負責決策，即係會揀邊條泳褲同泳衣畀kayan、Stanley、朱康，為大家著想顏色都會揀偏向通透嘅，哈哈！」
DaBomb 即係嗰套夾硬衝入人哋舖頭拍嗰齣戲呀？
01月27日02:11
顯示全部