鍾欣潼親自準備生日晚宴　絕美紅黑主題驚艷全場

藝人鍾欣潼（阿嬌）21日迎嚟44歲生日，早前佢就晒出低胸公主Look，原來呢個只係前菜，佢今年一改往常低調作風，自爆竟親自準備生日晚宴，邀請多位身邊最重視嘅人出席，席間就有同佢一齊參加《浪姐3》嘅內地藝人劉戀同趙夢，以表達對大家嘅愛。今年佢更帶埋同佢同一日生日嘅愛犬小Kuma，齊齊慶生更添溫馨，萌爆嘅Kuma襯托阿嬌仙氣，果然一絕！

阿嬌晒出大批當晚靚相，更分享準備經過，指自己由冇乜儀式感到今次盡力為大家獻上驚艷生日P：「關於那晚生日宴的記憶片段🧩我的小Kuma和我是同一天生日的小女孩 還有其他的朋友也和我同一天嗎？祝我們都生日快樂🎈今年難得準備着邀請函、印章、主題餐廳…哈哈哈 當我這麼怕麻煩的人 開始嘗試親手做這些 看到朋友都很驚訝、開心 而且enjoy the night 我也樂在其中 一年一度的生日過好啦 對我也是新歲的開始 祝福我 也祝福你們 新歲更有愛」

東網網站 : https://on.cc/東網Facebook專頁 : https://www.facebook.com/onccnews/