廣告（請繼續閱讀本文）
廣告（請繼續閱讀本文）
前台灣組合黑澀會成員吳映潔（鬼鬼）曾傳同台灣藝人胡宇威、禾浩辰等人交往，但最後都不了了之分手。今日（10日）佢突然投下震撼彈，35歲嘅佢同時晒出孕婦寫真，並分享BB腳丫照宣布做媽媽，佢表示未來目標係「好好愛你」，言下之意佢生咗B女，但冇提及孩子爸爸身份，引嚟唔少網友驚訝！
鬼鬼發文道：「讓自己慢下腳步…好好休息，好好孕育，好好兩個心臟一起呼吸著，好好記得這一切，好好感謝自己的勇氣，好好變成一個更勇敢的角色，好好愛妳，好好努力以後的生活，為了我們…」同時感謝所有照顧佢哋嘅人：「這一場美麗又神奇的相遇，2025新角色登場，Welcomemylove。」
貼文曝光後隨即炎亞綸、峮峮、鼓鼓等藝人獻上祝福，亦吸引粉絲熱議，除咗恭喜鬼鬼外，更多人關心佢另一半係邊個，有粉絲表示鬼鬼自己曾於節目中公開表示，自己已做凍卵，有講做人工受孕，令粉絲不禁聯想B女疑似冇爸爸，令網友非常驚訝。半年前佢出席公開活動，當時自稱單身嘅佢，僅稱感情空窗已久，完全睇唔出已懷孕，經理人目前尚未回應。
廣告（請繼續閱讀本文）
東網網站 : https://on.cc/東網Facebook專頁 : https://www.facebook.com/onccnews/