雖然 iPhone 嘅 NFC一直都都可以做到畀錢、車匙、房卡等等嘅用途，但基於私隱同安全性問題，呢啲功能只可以喺「銀包」App，或者以 Apple Pay 形式進行。不過 Apple就啱啱宣佈，由 iOS18.1開始，會提供全新嘅 NFC 同 SE (Secure Element) API，為開發者提供 app 內非接觸式交易，用於店內付款、汽車鑰匙、公共交通系統、企業的身份識別證件、學生證、家用鑰匙、酒店鑰匙、商户會員與積分卡，以至活動門票，未來亦將支援政府的身份證明。
即係話喺遲啲用家就有可以直接喺唔同嘅Apps入面，直接用到NFC功能，唔駛下下要入落「銀包」先用到，相信使用上會更有彈性更方便。
Apple 亦強調， NFC 同 SE API 運用嘅 Secure Element 晶片，符合業界標準，亦已經認證適用於將敏感資料安全地儲存於裝置上。 喺進行非接觸式交易時，會運用到多種 Apple 專有的硬件及軟件技術，包括「安全隔離區」、生物識別認證及 Apple 伺服器。用戶可直接打開使用呢啲 API 嘅 app，亦可以喺 iOS 設定中，將 app 設定為預設非接觸式 app 後，按兩下 iPhone 上的側邊按鈕，即可進行非接觸式交易。開發者需要同 Apple 簽訂商業協議，申請 NFC 和 SE 權利，當然亦要畀錢，先可以獲得授權取用相關 API。
不過呢個 API 暫時只提供畀澳洲、巴西、加拿大、日本、紐西蘭、英國和美國嘅開發者，其他地區就要再等吓。
▼Follow GadgetGang HK
YouTube: https://www.youtube.com/@GadgetGangHK
Instagram: https://www.instagram.com/gadgetganghk/