張敬軒多倫多演唱會剖白曾患鬱躁　台下有人亂叫兼大笑激嬲粉絲

張敬軒日前於多倫多舉辦演唱會，全場爆滿。他演繹多首經典歌曲，更在台上剖白自己曾患上情緒病，感謝歌迷一直不離不棄。當觀眾情緒被牽動時，竟有人在台下大笑及亂叫，打斷張敬軒的深情分享，有粉絲事後上網大呻被影響心情，更引出軒公本尊回應。

張敬軒當時在台上分享，當年在寫《笑忘書》時，患上鬱躁症：「情緒最差的時候，我出門口都出唔到」。明明是深情剖白，台下有觀眾卻大笑亂叫，令不少粉絲嬲爆。

有粉絲在完騷後，在網上表示憤怒，大鬧亂叫的觀眾「冇家教」：「軒公講緊自己抑鬱躁鬱嗰陣大笑真係完全冇家教，情緒問題又有邊個想經歷，基本尊重啦」、「點解會有人可以咁無禮貌，可以係咁打斷人講嘢，最嬲最嬲竟然有人喺《笑忘書》嗰段笑得出，作為一個過來人，每次聽《笑忘書》都好身同感受，原來有人明白我」。

有在場人士透露，當時有人疑喝醉：「我就坐在sec2，前面的人都好吵，好多人拿著酒瓶在聽歌，還喝醉了，搖頭晃腦。動不動還要起身一起捧杯喊cheers。非常不尊重人。」

有粉絲就呼籲觀眾在演唱會上應注重禮儀，尊重歌者：「今日喺niagara falls睇張敬軒真心覺得，樓下個啲 attention seeker觀眾要學下咩係演唱會嘅禮儀表演者認真 mode講緊嘢就喺到X叫，講depression嗰陣仲喺到唔知亂講乜，真心唔係好笑嘢，識唔識尊重。」結果連軒公都現身回應：「我都有一下少少著咗。」