灣仔會展的薈景餐廳，一直是我心目中的自助餐三甲之列，早在開業初期已去過，以往在網誌都寫過好多次。對上一次到訪已經是2018年的事，之後幾年因疫情和身體傷患問題，便私下對朋友說暫時謝絕自助餐，直至去年才恢復有限度地去吃buffet，但只揀一些有質素和特別主題的才應約。
相隔六年再來薈景吃自助晚餐，除了當作是跟老朋友重聚外，亦對這期限定的「朱古力專區」感興趣，藉著朱古力含有的胺基酸「苯乙胺」，治癒我近期悶悶地的心情。
即開生蠔、冰鎮海鮮
記得薈景以前搞過開生蠔表演，當然已經是好多年之前的事，現時亦供應即開生蠔，當日的生蠔品種是法國蠔Fine de Claire，豐富海洋味。
今期龍蝦大熱，搵唔到嘉玲姐或Deanie姐，惟有自己與龍共舞。
加拿大波士頓龍蝦大隻而多肉多膏，雖然是任取的，但少吃多滋味，一隻剛剛好。
冰鎮海鮮類還有青口、麵包蟹、長腳蟹、海蝦等。
另一必吃推介是「爐端燒」，有即燒虎蝦、三文魚、蠔、豚肉等，好香口。
扒類有牛扒、黑蒜泥燒特級牛肋肉、香蒜咸蛋茸焗燒羊排，伴菜的燒椰菜意外地出色!
有澳洲紅白酒任飲，牛扒配杯Shiraz，非常夾!
而生蠔就配一杯Sauvignon Blanc。
熱盤還有很多不同種類和地方菜，例如中式小炒、燒味、海南雞、印度小吃等!
可是我現時食量不大，以上看一看就飽，不用吃落肚，只飲一碗燉湯後，熱盤部份可以收工了。
然後直接跳到甜品時間!
朱古力主題專區
朱古力區像一個迷你的展覽，展出多個不同產地的原粒朱古力，包括比利時、瑞士、意大利和墨西哥等，更有多個不同的濃度，由10%至大約70%的黑朱古力。
旁邊的朱古力甜點亦多樣化，而且勝在的的式式，一口氣試幾款也不會太過份。
記住要飲一杯「手工泡泡朱古力」，像一杯Espresso般大小，朱古力濃度幾高，但不算過甜。
其實還有朱古力噴泉，觀看就已經夠治癒，我就只看不動!
我還有少少Quota，就唔爭在吃兩球雪糕，才真正完場。
對於食量不大的人來說，吃自助餐未必蝕底，只要集中吃幾款自己認為重要的，再飲多幾杯酒，就已經超額回本了。
薈景Congress Plus
地址: 灣仔港灣道1號會展廣場6樓
電話: 25827250 / 60203235 (WhatsApp)
自助晚餐時間: 18:30 – 21:30
自助晚餐價錢:
成人 HK$758起
長者（65歲或以上） HK$658起
小童（7至11歲）HK$458起
限定87折優惠:
(成人)【環球海鮮滋味盛薈】3小時自助晚餐+暢飲(星期五至日及公眾假期)
(成人)【環球海鮮滋味盛薈】3小時自助晚餐+暢飲(星期三至四)
網上訂座: https://restaurants.hkcec.com/zh/CongressPlus
請關注飛叔平台:
Facebook專頁: 飛叔生活 Kelvin Leung
Instagram: kelvinyfl
YouTube: 飛叔Kelvin Leung