廖子妤被爆拍錫戲面紅害羞　Phoebus與小野接吻唔敢多諗

ViuTV原創劇《瑪嘉烈與大衛系列 絲絲》下星期播出結局篇，戲中瑪嘉烈（廖子妤 飾）和大衛（陳湛文 飾）分手後，靜極思動的瑪嘉烈與城中名廚烈火（傅孟柏 飾）展開新一段戀情。談到接吻的戲份，廖子妤被幕後工作人員踢爆好怕醜：「劇組駁咗一個大電視睇playback，佢哋話我一拍完呢場戲之後，成塊面都紅晒！不過都OK嘅，對住一個大帥哥做對手，多謝劇組、監製同導演畀一個咁好嘅對手我。」

傅孟柏亦為吻戲感到緊張：「我要裝得不尷尬，但心裡面是蠻緊張的，第一次跟Fish合作，第一天就要接吻，害羞啊。」傅孟柏笑言自己有為吻戲做足準備，拍攝前要刷牙、洗牙、漂牙美白、吃口香糖等等。傅孟柏表示，如果再有機會來港拍電視劇，想再與Fish合作拍動作戲，Fish更指：「最好有槍戰或打鬥之類，我要把我的身手練好。」。

昨晚（4月5日）播出的一集，吳啟洋（Phoebus）飾演的阿臣與莎莎（麥詠楠飾）分手後陷入自責之中，作為同路人的Gary（盧鎮業，小野飾）一早看透阿臣的掙扎，便以諷刺的口吻迫他將一直壓抑的心情釋放。吳啟洋這場喊戲非常具感染力，再加上與盧鎮業之間的完美配合，令不少觀眾甚為動容，決定投Gary一票，希望他可以與阿臣有好結果。

原來吳啟洋和小夥拍攝這場吻戲的當日，竟是兩人第一次同場拍攝。吳啟洋提及拍攝接吻戲份，坦言過程唔敢多諗：「當日係不自覺地有啲緊張，其實拍攝當時情緒係好激動，因為我係喊住咁錫，所以我都唔敢亂諗嘢！今次做阿臣呢個角色對我嚟講係幾大突破，因為今次角色個好多面向，希望大家會鍾意。」