🥘性價比高！鮮濃蕃茄蝦膏湯鍋❗️生牛河任隊丸任隊粉｜將軍澳｜越式PHO車頭

🥘性價比高！鮮濃蕃茄蝦膏湯鍋❗️
足料大頭蝦🦐酥脆越南法包🥩生牛河任隊丸任隊粉！
話說呢頭9成都係商場，我本身都以為冇咩好食，但估唔到呢個pet-friendly嘅商場，啲狗仔行黎行去嘅之間，會有間咁高質又抵食嘅越南菜。

呢間越南菜由真越南廚師主理，味道一定夠正宗地道，不過最驚喜都係價錢，分分鐘係我見過最抵嘅越南火鍋Set，另外仲有得任隊粉同丸。

🥘西貢式四人套餐 (四人份量 $488)
人均百零蚊一大個大頭蝦鍋，仲有全隻燒春雞、越南小食拼盤、任食檬粉、牙車快沙律、飲品、甜品，呢個價錢邊到搵到。

🔸西貢大頭蝦膏蕃茄湯鍋 (檬粉無限添加)
上枱超霸氣嘅大頭蝦鍋，鍋中塞滿大隻大頭蝦，湯底鮮甜濃郁，底下仲有唔同配料，而最正係任添檬粉，索哂鮮濃蝦膏湯汁超正。

🔸西貢式燒春雞（全隻）
🔸越式小食拼盤
越式札肉x4、越式炸春卷x2、地道蒸粉卷x4、西貢魚餅x4
🔸西貢牙車快 (沙律)
🔸飲品4杯 🔸甜品4份
一個價錢仲要有齊咁多嘢，分分鐘係我見過全港最抵嘅越南菜，但越南大廚出品質素都係咁高。

🥩生牛肉河粉 ($78)
🥓什錦火車頭湯粉 ($88)

🍘任隊丸 (+$38)
1️⃣火車頭有齊生牛肉、牛丸、牛柏葉、牛坑腩，湯底牛骨底帶有牛脂香，而且牛肉質素超高，食落油香豐富，而正宗食法記得配上是拉差同甜醬。

2️⃣任添河粉都有見過，但任隊丸都係第一次見，而且仲係彈牙有肉汁嘅靚牛丸，可以叫埋大胃王朋友黎挑戰下，到底隊到幾多碗粉同碗。

🥖傳統法越什錦法包 ($58)
正宗地道嘅越南法包，內裡填滿肝醬、札肉同雞，超級爆餡，最正係法包烤到金黃香脆，一咬真係卡嚓咁嘅聲。

越式PHO車頭
🗺️將軍澳唐俊街28號海天晉滙地下G05號舖
📞21771300
❇️留意任隊粉同任隊丸係星期一至四先有，日夜都有~

▼Follow foodiegogoooo
Instagram: https://www.instagram.com/foodiegogoooo/