相信唔少朋友都有失眠嘅困擾，晚晚瞓唔著自然第二日又好晏起身，如果放假都仲可以瞓個夠，但仲要返工嘅人就慘喇。要改善晚睡晚起呢個惡性循環要從生活習慣入手，參考以下辦法，可能會幫助到你改善睡眠質素㗎～
1. 瞓前用熱水浸腳
廣告（請繼續閱讀本文）
瞓覺前用熱水浸腳約15分鐘，可以改善血液循環，令人體溫度上升變暖啲會好瞓啲㗎。
廣告（請繼續閱讀本文）
2. 聽住大自然聲音瞓覺
依家有好多apps可以幫助入睡，透過提供各式各樣嘅大自然聲音，例如海浪聲、雨聲、鳥鳴等，而且可以自由組合，等你聽住嘅時候變得放鬆，自然較容易瞓著。
廣告（請繼續閱讀本文）
3. 飲蜂蜜牛奶
牛奶裡面含有色胺酸，可以安定神經同舒緩緊張情緒，加上蜂蜜嘅糖分可以幫助色胺酸快啲進入腦部，咁就可以快啲瞓得著㗎喇～
4. 食香蕉
香蕉入面有種氨基酸可以抑制中樞神經嘅過度興奮，個人放鬆咗，自然容易進入睡眠狀態。而香蕉都有豐富嘅澱粉質同纖維，飽腹感都可以令人產生睡意。肚餓嘅感覺會影響睡眠質素，如果瞓前感到肚餓，食香蕉時可配合上面提到嘅牛奶，作為睡前輕食。
5. 拉筋
做完一日嘅工作，總會覺得肌肉緊曬，尤其係肩頸嘅位置。肌肉緊繃會影響睡覺嘅質素，所以建議瞓前拉下筋，放鬆下手、腳、頸、背嘅肌肉，咁樣就會瞓得舒服啲㗎喇。
6. 放鬆肌肉
呢個辦法需要慢慢收緊全身肌肉，由腳趾、小腿、大腿、腰、手、肩膊到頸向上收，然後放鬆，達至真正嘅全身放鬆。
7. 遠離電子設備
瞓前係咁用電子產品，會令你嘅腦部處於興奮狀態，所以好難瞓得著。如果想快啲進入睡眠狀態，瞓前一個鐘都唔好用電子產品喇，撳電話係唔會令你越撳越想瞓㗎。