《全民造星3》全新一季男女混戰，愈戰戰激烈，由83位中選出五十強名單，名額所剩無幾，在（11/11)一集有港版石原里美之稱的模特兒鄭嘉欣，178cm身高及外形高質冠絕全場，連導演、工作人員都暈其大浪，參賽者都向她抄牌，不過花姐卻大潑冷水當面指鄭嘉欣是花瓶﹗
文：東方新地 ｜ 圖：ViuTV《全民造星3》截圖、鄭嘉欣IG
《全民造星3》導師彭秀慧：「終於有個靚女﹗」
廣告（請繼續閱讀本文）
《全民造星3》出現最亮眼27歲參賽者鄭嘉欣，身高178cm的她是一名模特兒，屬太陽娛樂旗下藝人，拍過蘇永康MV女主角，不過一直想圓唱歌夢而參加《全民造星3》，在ViuTV播出片段，鄭嘉欣由面試到比賽當晚，都備受異性歡迎，工作人員、導演都被她迷倒，連評判之一的彭秀慧都讚：「終於有個真正靚女﹗」林二汶直接問她：「你係咪想走林志玲路線？」鄭嘉欣謙虛表示唔敢同林志玲相比，相差太遠，而現場的男工作人員更明顯對她特別照顧，不停在她身邊團團轉。
廣告（請繼續閱讀本文）
《全民造星3》監製花姐後悔加入女參賽者
《全民造星3》掌管大權的監製花姐卻大潑冷水，對說話嬌嗲的鄭嘉欣評語是：「我真係好後悔畀女仔參加，聽佢哋講嘢真係好辛苦﹗」鄭嘉欣一臉尷尬以笑遮醜，轉頭花姐續說：「我覺得你（鄭嘉欣）就係一個花瓶，一入行已經係一個花瓶，比較適合做平面模特兒囉﹐係咪？你介唔介意人哋話你係花瓶？」鄭嘉欣答戰戰兢兢：「最初唔介意，不過想大家睇到我另一方面嘅才能。」
廣告（請繼續閱讀本文）
鄭嘉欣加入林二汶組
鄭嘉欣雖然不受《全民造星3》監製花姐喜愛，不過仍順利入圍，在比賽當晚表演唱歌，表現中規中矩，不過因為靚標青，一出場甚得當晚評判歡心，最後順利晉級，並被導師林二汶揀了入組，雖然順利晉級，不過要得掌生殺權的花姐歡心，還有很多未知之數。
鄭嘉欣IG愛晒44吋長腿
IG狂派福利
鄭嘉欣參加《全民造星3》刻意打扮密實，玩文青feel而收起性感，不過在其社交網，不時晒弗爆身材，難怪雖然模特兒出身，但入行三年已儲落不少宅男粉絲。