好多家庭主婦都唔鍾意包垃圾，皆因垃圾、菜汁容易整污糟雙手，仲要放回新垃圾袋。內地品牌Townew拓牛就知道用家需求，推出智能垃圾桶，容量為15升，頂蓋設有紅外線感應，用家接近時就會自動開蓋。最勁係內置「打包」功能，長按Home鍵3秒垃圾桶就會自動將垃圾袋封口，用家取出垃圾袋後，就會自動更換新垃圾袋，乾手淨腳！定價方面，官網賣299人民幣，而專用垃圾袋盒一盒賣19.8人民幣，可以打包約25至30個垃圾袋，以每日掉一次垃圾，即一個月用量。
東網網站 : https://on.cc/
東網Facebook專頁 : https://www.facebook.com/onccnews/
