最近踩過界做Youtuber嘅「35E咪神」白雲，早前表演水底飲汽水大受歡迎，呢日佢就再推出新一集嘅《雲游四海》，繼續喺墾丁沿岸潛水，以黑色比堅尼上陣，大晒弗爆身材。此外，佢亦「加碼」帶大家去到佢幫襯開嘅比堅尼店，實行狂試泳衣，見佢先後換咗三套泳衣，先嚟粉紅Pink Lady Look，之後再換上花紋白底比堅尼，最後就着上一件頭泳衣，胸前透網位置若隱若現騷事業線，大玩透視誘惑。
白雲透露店主對佢影響甚深，令佢明白到唔需要理會外界嘅目光，坦言：「我第一次着T-back嘅Bikini，第一次學識唔使理會人哋點睇你嘅身材或者樣貌，都係呢度嘅老闆娘話我聽，着T-back嘅Bikini係冇問題，任何女仔着都冇問題，有問題係嗰啲講你嘅人。」
東網網站 : https://on.cc/
東網Facebook專頁 : https://www.facebook.com/onccnews/
