韓團Big Bang成員T.O.P的舊愛韓瑞希,前年被爆與T.O.P一起吸大麻而被判監3年及緩刑4年。是非不絕的她於今年10月突然自爆與同性密友鄭多恩拍拖,更頻頻晒合照放閃,鄭多恩亦曾於大前年涉吸冰毒,被判監一年零10個月。
而韓瑞希昨晚突然在Instagram(IG)公開與友人對話截圖:「鄭多恩想殺我,點算好?我只係因為做錯事喺度喊,開始覺得自己有點唔正常,我只係覺得好辛苦話想死,對於話想死嘅人,可以咁樣對待嗎?佢嗌我唔好死,將我壓在地板上辱罵,用手捏我頸,又話會用手殺死我,依常理來說,可以理解嗎?」友人亦很擔心韓瑞希,着她去醫院及與鄭多恩分手。雖然韓瑞希僅上傳一分鐘便刪文,但很快便被網民截圖瘋傳。
韓瑞希之後再展示自己手指及手臂有明顯紅腫及瘀傷,並留言着網民不用擔心:「唔係乜大件事,我有用手掩臉,所以塊面冇乜事,只係頭同頸有點痛,我好堅強,不用擔心。」但有網民翻舊帳,發現鄭多恩於2012年與前女友分手時也曾使用暴力。
東網網站 : https://on.cc/
東網Facebook專頁 : https://www.facebook.com/onccnews/