獨立唱作歌手Serrini近兩年嘅人氣愈來愈旺，從獨立音樂圈漸漸得到主流聽眾嘅注視，尤其是上一張《Don’t Text Him》專輯訴盡女生嘅戀愛心事，獲得不少好評。今年Serrini一改佢嘅文藝路線，推出最新電子音樂專輯《邪童謠》，令人驚喜又期待，熊大早前就出席了新碟試聽會，想知點解Serrini今次有咁大突破？就等熊大為粉絲問問佢啦。
今次Serrini新碟雖然以童話故事為靈感，不過想聽甜蜜情歌嘅朋友可能會失望了，因為Serrini將白雪公主、小魚仙、灰姑娘等耳熟能詳嘅童話，通通改寫成殘酷嘅暗黑故事。《小紅》就是改編自「小紅帽」，然而歌中的小紅帽一點也不柔弱，她以左輪手槍和血染彎刀將豺狼殺死，非常勇猛。Serrini想透過新碟告訴大家，女生溫柔純真嘅外表唔代表好欺負，提醒女生受傷害時，也要有反咬敵人一口的自信和霸氣，好好保護自己。
以為係度擺power mirror talk，其實係度補粉🍸 這次MOOV試聽會超級盛大，感謝各方努力 @moov_music 好jengs
A post shared by Serrini💎 (@princessserruria) on Apr 1, 2019 at 11:31am PDT
除咗題材夠特別，新碟嘅曲風亦是Serrini甚少呈現嘅電子音樂。有別於以往多以結他和鋼琴伴奏嘅清新感覺，《邪童謠》中絕大部分歌曲也著重節拍感和電子元素，令人耳目一新，問到Serrini點解會有呢個轉變，佢就表示自己一直好鍾意電子音樂，亦希望自己多嘗試唔同嘅音樂類型，加上有了先前與電子音樂人楊彤嘅合作經驗，於是今次就親自創作咗《邪童謠》。
A post shared by MOOV (@moov_music) on Apr 1, 2019 at 7:13am PDT
大改音樂風格，Serrini會不會擔心流失文青粉絲呢？「我認為每個人都有好多面向，就算平日走文青cute cute路線，內心點都會有想成為Queen嘅一面」，Serrini希望聽眾都可以喺新碟當中找到共鳴，喚醒自己面對殘酷現實嘅強大力量。
試聽完《邪童謠》，熊大已經急不及待想重溫了，其中一首新曲《成為》MV日前已正式發表，而整張專輯聽日亦將會喺MOOV上架，粉絲記得不要錯過。
