C AllStar成員釗峰與陳健安（On仔）一同出席電台活動，講到另一隊員Jase近日終推出Solo單曲，二人都話好戥兄弟開心：「其實呢首歌佢喺2016年寫好，又曾經公開唱過，經過多年等待，終於完成作品。」不過釗峰覺得有一樣嘢令他好失望：「點解佢唔做埋MV男主角？同入面嘅女主角有親密場口，我期待係佢好耐！但新編曲同咁有意義嘅MV都好令我眼前一亮，音樂係佢本命、最重視，佢中途都有寫吓書，但最令佢宣洩到係創作。」對於Jase表示以露鬚向On仔的赤裸上身挑機，On仔說：「露毛啱佢，佢毛髮係比較濃密，咁多可能關種族事，可以去Check吓DNA。」
釗峰與On仔異口同聲自爆明年將分別舉行處男騷，現正籌備當中，因時間、場地暫時都要大賣關子，他們說：「如果撞期都幾好笑！」聖誕節要閉關準備冇假放？二人又笑話因單飛後認識了不少朋友、擴大了社交圈子，故一早已安排多個Party，問到可會跟C AllStar其餘兩名隊員慶祝？釗峰耍手擰頭：「我哋成日都見㗎啦！但都可以安排吓嘅。」
東網網站 : https://on.cc/
東網Facebook專頁 : https://www.facebook.com/onccnews/
