有時表態是好事，無論支持那邊，起碼有粉絲。最近網上紅人就係YouTuber梁嘉銘（Ming仔），但早前一個直播主題就是「和你傾政治 -- 我的角度」後，有網民呼籲不同意他見解的人退like停訂閱，之後粉絲數真的暴跌，facebook專頁截稿時由37萬跌至30萬，有望於近日跌破30萬；而YouTube頻道則由接近50萬訂閱者跌至43.1萬。更有網民改圖提議Ming仔可以和早前表態模稜兩可的打機紅人林慧韡（達哥）組成達ming一派。
第一次直播中，Ming仔提到示威者和警方「兩邊武力開始對等」，亦不會捐錢給一直為被捕人士提供法律協助的「星火」，因為「星火」offensive，又說警察「打份工」但「做多咗」，被鬧爆之餘又再澄清了解背景後會捐錢給「星火」，又再稱說警察「做多咗」是「做多咗好多唔應該做嘅事」，不過網民已經覺得他想「食兩家茶禮」，亦有網民說之前怎會未了解「星火」背景就做直播？
他之後的補鑊留言全文說：
「直播嘅原意是要清楚交代我嘅睇法，偏偏講到一嚿嚿。
更正番：
1. 了解過「星火」的背景，我表示支持並將決定捐俾呢個基金。
2. 「警察份職業本身無問題，但佢哋做多咗。」呢句被部份人曲解左。我話「做多咗」嘅意思，係指佢哋做多咗好多唔應該做嘅事：包括濫捕、實彈、電單車撞人、制服後暴打、Yellow object等等，並唔係講緊開OT
我係有責任講得清楚D既，多謝網民提醒」
其實事件不是始於這次直播，早前Ming仔被指與網民抵制的無綫合作拍旅遊節目已經被鬧爆，他亦曾留言解釋：「關於單job，其實反修例風波前已在進行中，接住社會發生咁多不公嘅事，都好掙扎，思前想後，我選擇咗尊重專業精神，完成埋工作再算。
今次應該係我handle得最差嘅一次（包括呢個post），唯有老實認錯，同各位真心說聲抱歉🙏🏻
但呢次恐怕避免不到令大家失望了。無論各位接受與否，我都會吸取今次教訓。」
