Metz MT-EF6H　木框電視暖色時尚

嫌傳統電視機框顏色不是黑色就是銀色太單調的話，Metz最新的MT-EF6H系列應該是你杯茶，機框及座枱架統一採用深啡色的木紋設計，睇落特別溫暖時尚，比冷冰冰的黑框或銀色金屬框柔和得多。尺寸有43、40及32吋等3款，前兩款解像度達Full HD，後者體積細適合擺房，HD Ready已經夠靚，雖然只屬入門系列，但引進網絡功能，用家可下載心水的應用程式睇片，如YouTube、Netflix等，亦能下載遊戲，靈活性一流。此外，機側設有USB插口，支援直讀音樂、相片及影片等多媒體檔案，令睇片選擇大增，音效方面支援DTS TruSurround及Dolby Audio，煲碟睇戲時對白人聲清晰，包圍感更是極全面。