現今睇戲方法有好多種，但仍然有不少人會選擇走進戲院，好好感受震撼的氣氛，在過去的2018年，大家又入場欣賞了幾多套戲？2019年仍然好戲連場，例如有《Marvel隊長》、《復仇者聯盟4》等，超級英雄片擁躉一定等到好心急。有院線就將舉行「MarvelStudios10周年電影馬拉松」，按MCU漫威宇宙的時間序，用7日時間同大家重溫18套經典之作，最後再踏正首映日，一齊睇《Marvel隊長》作結，成件事聽落都覺得好熱血呀！
馬拉松通行證$780套，將以實名登記再進行抽籤選出，Marvel迷在1月17日10:00am至1月20日11:59pm時段內上網登記即有機會中籤。250位幸運兒除了有通行證外，亦會額外獲得馬拉松選手限定禮品包，入面包括有Marvel Studios 10周年海報、限量版T-Shirt及迪士尼樂園最新遊樂設施「蟻俠與黃蜂女：擊戰特攻！」指定日期特備活動入場資格。
其實相信真粉絲都睇過以上大部分電影，不過都要堅持完成馬拉松呀，因為每睇完一套超級英雄片，就會獲得該電影的紀念繡章，值得珍藏。
