男團MIRROR成軍一年趁機推出新歌〈Reflection〉，更特意飛到台灣拍攝MV。隊長Lokman表示：「MIRROR成軍一周年，我哋都希望送俾大家一個隆重又精彩嘅MV。今次係過去三首歌〈一秒間〉、〈ASAP〉及〈破鏡〉MV嘅加強版，我哋喺拍攝期間睇Play back都覺得好有型好靚，相信推出後我自己都會不停J。」副隊長AK亦指MV場景非常漂亮，他說：「製作團隊特別搵咗一間別墅，亦搭咗好多廠景俾我哋拍攝，所以Lokman先會話不停J。」一如以往，MIRROR的舞蹈亦成為〈Reflection〉的焦點所在，排舞師黃祖耀（耀老師）及方家諾（Rock Sir）再一次挑戰MIRROR眾成員的能力，舞步更見複雜及密集，Lokman指拍攝MV期間，每跳完一次都要休息10分鐘才可以繼續拍攝，所以最終用上22小時才完成拍攝工作。
MIRROR眾成員被問到最的國語最爛時，眾人都直指是花姐！Jer大爆：「花姐同導演溝通時係用廣東話嘅，但導演只係識國語。」Anson Lo此時即插咀表示：「花姐！不如你用國語介紹我哋MIRROR。」花姐當然不甘示弱，假裝生氣道：「你係咪想炒呀？」佻皮的AK也即時加入說：「不如你用國語講『你係咪想炒呀？』」此話一出，花姐也即時語塞，現場即時笑聲不斷。
MIRROR各成員一直各有各忙，成軍以來今次是首次一同出差，所以大家都十分興奮，飛抵當地首晚眾人更一起去吃火鍋，不過說到難忘事，反而是眾人的快速入睡能力，Jer表示：「原來大家都好瞓得，所以我已經見過晒所有人瞓覺個樣，仲要好快瞓著，好勁！但呢個技能我哋係必須，因為無論喺邊度，只要有空閒就要瞓著，爭取休息時間。」與AK同房的Ian分享了AK的小秘密，Ian說：「AK瞓覺原來會磨牙！我本身已預佢一定會扯鼻鼾，但冇諗過扯鼻鼾同磨牙打孖嚟，估唔到佢瞓覺都咁嘈，搞到我琴晚都冇乜點瞓！」
撰文：機
