今次要講吓我哋去旅行買返黎嘅摩洛哥玫瑰油，佢外表包裝真係冇乜特別，而且仲要係出現喺一間唔起眼嘅店舖，入面全部都係嬸嬸嚟嘅，由製作嘅過程到銷售，都係土生土長摩洛哥嬸嬸負責。
但係由於呢個地方嘅天然植物好靚，又唔受污染，所以全部產品都係Eco-Cert，而呢支玫瑰油就係我哋兩個嘅至愛。塗上後好快遪透，可以Feel到陣陣玫瑰清香，有美白同去黑眼圈功效，用後唔會出油脂粒。早晚使用，大約一星期就見到效果，發覺自己白淨咗同少咗乾紋，搽咗之後另一半靠近都聞到香味，大讚我「你今日咁香嘅」，真係吸引到異性！
人愈大，愈發覺有時真係唔太需要名牌貨，反而比較注意質感，留意產品成分同功效，最好愈搽外表愈幼稚，內心愈長智慧！小王子有佢最愛嘅玫瑰，希臘愛神維納斯有佢痛心死去嘅玫瑰，塔羅牌占卜有偉大嘅玫瑰王后，所以作為愛美嘅女士，就一定唔可以放過呢支咁好用嘅玫瑰油！
東網網站 : https://on.cc/
東網Facebook專頁 : https://www.facebook.com/onccnews/
