ViuTV全新節目《萬人幫拖搞個唱》將於下周一（20日）起播出。節目以真人騷形式紀錄火火（李家榮）及KB（李健宏）由組隊到開演唱會的過程，見證眾人相助的成果。
二人組成的業餘中佬組合「雙龍出海Double Dragon」早前順利舉行《萬人幫拖演唱會》，籌備過程中並無大台支持、無資源提供，二人秉持著「全靠香港人 乜都有可能」的精神，由組合命名、服裝、樂隊、創作派台歌、拍攝MV及派飛等，單憑網民及民間高手出手相助。
在下周一（20日）播出的首集中，火火和KB提及創作構思及初衷：「我哋呢兩個人靠搲，搲啲香港人幫手，無論任何職位都可以幫我哋，推到我哋開演唱會，如果呢件事都做得成的話，都帶到幾多希望俾香港人。」KB則期望透過節目將人與人之間關係拉近。
二人落足心機宣傳這件別具意義的事，先在負廿幾度的雪車裸求網民提供組合名，最後取名為「雙龍出海Double Dragon」；於周末借船出海，騎劫船P，主動為船上的後生仔女印上「雙龍出海」臨時紋身；邀得著名紋身師Marcus Yuen於茶餐廳即席邀請途人紋上組合名，藉此宣傳「雙龍出海」及其個唱，非常熱血！
撰文：機
