明晚(1月21日)播出的第2集《萬人幫拖搞個唱》,講到KB、火火為谷「雙龍出海」人氣及其個唱,決定出術邀請圈中好友拍宣傳片。二人先「搲」林雪客串拍宣傳片,林雪接到二人來電,即刻問「你幾時拍呀?」惟一直度不到檔期,未能現身幫拖。
KB、火火亦有向好友鄧麗欣(Stephy)埋手,KB指鄧麗欣是個非常有義氣的朋友,以前成日「碌卡」都會找她。二人想到與鄧麗欣拍最膾炙人口的電影《鐵達尼號》(Titanic),KB搞笑交代選拍《鐵》的原因:「裡面有好多英文嘛!如果Stephy做都會幾好笑吖!因為佢曾經俾人笑,每個人都有過去,我覺得幾得意吖!」宣傳片製作完畢後,KB四出請求餐廳店員播放片段予食客觀看,非常落力。
撰文:機