請更新您的瀏覽器

您使用的瀏覽器版本較舊,已不再受支援。建議您更新瀏覽器版本,以獲得最佳使用體驗。

娛樂

IG動態「煞景」惹非議 鄧麗欣再度解畫

am730

更新於 2020年02月27日20:29 • 發布於 2020年02月27日20:29
IG動態「煞景」惹非議  鄧麗欣再度解畫
IG動態「煞景」惹非議  鄧麗欣再度解畫
Stephy在限時動態寫了「煞景」,引起部分網民不滿。
IG動態「煞景」惹非議  鄧麗欣再度解畫

鄧麗欣(Stephy)最近忙於拍攝ViuTV新劇《男排女將》,早前她完成了某場拍攝之後,便在IG動態上載10支香檳的照片,留言謂︰「咁高興係因為今日煞~景 #唔係煞科 #有點不捨 #我們的棕地 #力圖稱霸 #五十天 #開香檳 #繼續努力」由於香檳加「煞景」引來網民聯想,引起非議,Stephy日前再為事件解釋,指是一個嚴重的誤會。

Stephy雖然事後在網上解釋「煞景」是行內術語,坦言不懂隱喻,對今次的誤會深表歉意。她日前完成拍攝之後,再次為事件解釋︰「呢個誤會真係大得嚴重,我自己都寫咗一篇文章去解釋。因為我寫即時動態,喺文字上冇咁複雜,用咗單句子表達。因為戲入面我嘅球隊力圖,喺嗰個場地奮鬥同成長,我哋對呢個地方好有感情,當日亦都係拍攝第五十日,完成之後大家都好開心去慶祝,所以我就講咗幾句說話形容當下心情,我都覺得要同大家解釋返,希望大家明白,唔好太多聯想。」

受到疫情影響,Stephy直言拍攝進度受阻︰「要去好多室內運動場、公共地方取景,所以好多場口都要暫時停拍,亦未知場地幾時重開。拍埋今日(26日)之後會停一停,等消息。」她又透露原本需要拍攝親咀戲,為了「避炎」而取消︰「原本我同阿Sam(陳宇琛)有場比較親密嘅戲,本身係要kiss嘅,雖然只係蜻蜓點水咁錫,但係大家喺互相尊重嘅情況下商議過,決定借位拍攝。」

IG動態「煞景」惹非議  鄧麗欣再度解畫
她再度解釋,希望大家不要太多聯想。
0 0
reaction icon 0
reaction icon 0
reaction icon 0
reaction icon 0
reaction icon 0
reaction icon 0